Сабаленка Рахимовани мағлуб этиб, US Open турнирининг 4-босқичига чиқди
Дунёнинг биринчи рақамли ракеткаси Арина Сабаленка US Open турнирининг учинчи даврасида Камилла Рахимовани 6:3, 6:4 ҳисобида мағлуб этди.
Сабаленка Раҳимовани мағлуб этиб, US Open турнирининг 4-босқичига йўл олди
Дунёнинг биринчи рақамли ракетка устаси, беларуслик теннисчи Арина Сабаленка US Open 2026 турнирининг тўртинчи босқичига чиқди.
Учинчи раунд баҳсида у жаҳон рейтингида 92-ўринни эгаллаб турган Ўзбекистон вакиласи Камилла Раҳимова устидан 6:3, 6:4 ҳисобида ғалаба қозонди.
Учрашув 1 соату 30 дақиқа давом этди. Сабаленка 10 та эйс амалга оширди, битта қўш хатога йўл қўйди ва еттита брейк-пойнтдан иккитасини муваффақиятли якунлади.
Раҳимова иккита эйс билан ажралиб турди, бироқ тўп узатишда олти марта хатоликка йўл қўйди. Ушбу ўйинда у брейк-пойнт ишлаб олишга муваффақ бўлмади.
Кейинги раундда Сабаленка чорак финал йўлланмаси учун курашади. Унинг рақиби россиялик Диана Шнайдер ва америкалик Тэйлор Таунсенд ўртасидаги учрашув натижасига кўра маълум бўлади.