Рубио тинчлик музокаралари «боши берк кўчада» эканини айтди. Зеленский бунда АҚШни айблади
Украина президенти АҚШни назарда тутган ҳолда Россия билан қандайдир иқтисодий лойиҳалар бўйича келишиб олиб, дипломатик боши берк кўча ҳақида гапириш ўринсиз эканини қайд этган.
Рубио тинчлик музокаралари «боши берк кўчада» эканини айтди. Зеленский бунинг учун АҚШни айблади
Ҳозирча Россия-Украина можаросини тинч йўл билан ҳал этиш учун имкониятлар кўринмаяпти. Бу ҳақда АҚШ давлат котиби Марко Рубио Грециядаги «Катимерини» нашрига берган интервюсида айтиб ўтди.
Рубио урушда «стратегик боши берк кўча» юзага келганини таъкидлади: Россия Донбасс устидан тўлиқ назоратни талаб қилишда давом этмоқда, Украина эса бундай шартни мутлақо қабул қила олмайди.
Россия ва Украина урушида стратегик боши берк кўча ҳолати юзага келди. Ундан фақат икки йўл билан чиқиш мумкин – ёки музокаралар столида келишиш, ёки эскалация. Ҳозир музокаралар орқали ҳал қилиш истиқболлари йўқ, чунки Россия ўз мақсади – Донбассни тўлиқ назорат қилиш эканини айтмоқда, бу эса Украина учун қабул қилиб бўлмайдиган шартдир. Шунинг учун ҳозир дипломатик ечим имконсиз. Биз келажакда уни топишда иштирок этишга тайёрмиз.
Украина президенти Володимир Зеленский эса Буюк Британия ташқи ишлар вазири Эд Милибенд билан бирга Черниҳив области Прилуки шаҳрида Россия зарбаси оқибатида ҳалок бўлган 22 кишини хотирлаш учун келганида ОАВ олдида Рубионинг бу сўзларига кескин жавоб қайтарди.
«Биз уруш пайтида жуда кўп турли ҳолатлар ҳақида эшитганмиз. Жуда кўп чиқиш йўли йўқ вазиятлар, бурчакка тақалиш ва ҳоказо. Биз ўзимизни ўзимиз – одамлар, раҳбарлар, сиёсатчилар ўзларини бурчакка сиқиб қўйишади... биласизми, бир томондан руслар билан келажак учун қандайдир иқтисодий лойиҳалар ҳақида келишиб олиш, иккинчи томондан эса биз қандайдир дипломатик боши берк кўчада қолганимизни айтиш мумкин эмас. Биз дипломатик боши берк кўчада эмасмиз», – деди Зеленский.
У шунчаки Россия иқтисодиётини ёпиш ва Старлинк учун Россия осмонини очиш кифоя экани, аммо америкаликлар буни қилишни хоҳламаслигини таъкидлади.
«Бутун иқтисодиётни ёпиб қўйинг. Россиянинг оғзини тикинг. Уларни ўз сотувларингиз билан боқманг. Шунчаки уларнинг қуролларига санксия қўйинг. Украинага Старлинкни очинг. Эронга жавоб бераётганингизда очган эдингиз-ку. У ерда ҳамма нарса ишлади. Исроил Эрон осмонини тўлиқ назорат қилди. Яъни, у сизга керак бўлганда, ишлайди. Улар учун Украинага ёрдам бериш ҳеч гап эмас. Ва мен очиқчасига айтдим – бизга беринг, осмонни ҳимоя қилиш ва ҳукмронлик қилишимизга ёрдам беринг», – деди Зеленский.
Шунда Путин музокаралар столига ўтиради. Нега? Чунки ҳамма нарсасини йўқотади. Икки, уч ой – ҳаммасини йўқотади. Биз эса хитойликлар аналогни ишлаб чиқиб, русларга топширишини кутмоқдамиз. Хўш, ҳақиқат қаерда, ростгўйлик қаерда? Бу ерда боши берк кўча қаерда? Қанақа боши берк кўча? Бу истамаслик дейилади.