Россиядаги «Ўрта Осиё - Марказ» ерости газ қувурида портлаш юз берди
Россия ФВВ хабарига кўра, портлашга юқори босим туфайли қувур ёрилиши сабаб бўлган. Оқибатда ёнғин олови 70 метр баландликка кўтарилган.
Россиядаги «Ўрта Осиё - Марказ» ерости газ қувурида портлаш содир бўлди
Россиянинг Пенза вилоятида жойлашган «Ўрта Осиё - Марказ» ерости газ қувурида портлаш юз берди. Ҳодиса Волчково қишлоғи яқинида рўй берган. Натижада портлаш жойида 70 метр баландликка олов устуни кўтарилган, газ узатиш тўхтатилгач эса яқин атрофдаги ўтлар ёниб кетган. Қурбонлар ва жароҳатланганлар йўқлиги билдирилмоқда.
Россия ФВВ маълумотига кўра, портлашга юқори босим сабаб қувур ёрилиши олиб келган.
Ҳодиса жойида авария ва тезкор хизматлар фаолият юритмоқда. Оқибатларни бартараф этиш учун 34 нафар ходим ва 12 та техника сафарбар этилган.
«Ўрта Осиё - Марказ» ерости газ қувури Туркманистон, Ўзбекистон ва Қозоғистон газ конларини Россия ҳамда Европа билан боғлайди.