Россия – Ўзбекистон: музей ҳамкорлигида янги қадам
29-30 сентябрь кунлари Тошкентда рус тилини сақлаш, мустаҳкамлаш ва унинг мақомини оширишга қаратилган «Рус тили: ўқиймиз, тинглаймиз, томоша қиламиз» лойиҳаси амалга оширилди. 7-8 октябрь кунлари эса ушбу эстафетани Бухоро қабул қилади. Лойиҳа доирасида Ўзбекистон Давлат амалий санъат ва ҳунармандчилик тарихи музейида фондларида […] сақланадиган Бутунроссия декоратив санъат музейи тўпламидан олинган «Рус адабиёти лакли миниатюрада» кўргазмаси очилди.
Россия – Ўзбекистон: музейлар ҳамкорлигининг янги босқичи
29-30 сентябрь кунлари Тошкентда рус тилини сақлаш, мустаҳкамлаш ва унинг мақомини оширишга қаратилган «Рус тили: ўқиймиз, тинглаймиз, томоша қиламиз» лойиҳаси амалга оширилди. 7-8 октябрь кунлари эса ушбу эстафетани Бухоро қабул қилиб олади.
Лойиҳа доирасида Ўзбекистон Давлат амалий санъат ва ҳунармандчилик тарихи музейида Бутунроссия декоратив санъат музейи тўпламидан олинган «Лакли миниатюрада рус адабиёти» кўргазмаси очилди. Ушбу музей фондларида олти мингдан ортиқ ашёни ўз ичига олган Россия лакли рангтасвирининг ноёб коллекцияси сақланади. Музей экспозицияси Россия халқ ҳунармандчилигининг асосий марказлари: Федоскино, Палех, Мстёра ва Холуй асарларини бирлаштиради. Ҳар бир мактаб ўзининг такрорланмас дастига эга.
Россия музейи Тошкентга классик экспозицияни интерактив ечимлар: мультимедиали визуаллаштириш ва аудиожўрлик билан бирлаштирган кичик, аммо жуда қизиқарли кўргазмани олиб келди. Лакли миниатюралар тасвирланган планшетларда QR-кодлар жойлаштирилган бўлиб, улар ташриф буюрувчиларга асарлар сюжетларини динамикада кўриш имконини беради. Бундай ёндашув ёш аудиторияни жалб қилиш учун янги имкониятлар очади ва халқ санъати сарчашмаларига чуқурроқ кириб боришга ёрдам беради.
Кўргазманинг очилиши доирасида музейлар ўртасида «Ўзаро тушуниш ва ҳамкорлик тўғрисидаги меморандум»ни тантанали имзолаш маросими бўлиб ўтди.
– Бугунги кунда Россия Федерациясида миллий маданиятни сақлаш бўйича фаол ишлар олиб борилмоқда. Музейимиз бунга алоҳида эътибор қаратмоқда: биз халқаро фаолиятни кенгайтириш ва кенг кўламли ҳамкорликни ривожлантиришни мақсад қилганмиз ва ушбу йўлнинг энг бошида турибмиз. Маданиятни сақлаш ва ривожлантириш, жумладан, миллий мерос асосида замонавий дизайнни яратиш борасида бой анъаналарга эга мамлакат – Ўзбекистон бизнинг биринчи ҳамкоримиз бўлганидан чин дилдан хурсандман. Бу биз ҳамкорлик меморандумини имзолаган биринчи миллий музейдир. Бу биз учун катта шараф ва биз самарали қўшма ривожланишга умид қиламиз, – деди Бутунроссия декоратив санъат музейи директори Татьяна Рыбкина.
Ўзаро ҳамкорлик бир вақтнинг ўзида бир нечта асосий йўналишларни қамраб олади: кўргазма фаолияти: қўшма экспозициялар ва лойиҳаларни ўтказиш; илмий-просветарлик ишлари: форумлар, симпозиумлар ва дўстона учрашувларда иштирок этиш; нашриёт лойиҳалари: қўшма нашрларни тайёрлаш ва чоп этиш; таълим дастурлари ва касбий тажриба алмашиш; музей фондларини атрибуция қилиш ва сақлаш соҳасида қўшма тадбирларни ўтказиш.
Ҳозирги босқичда дастлабки режалар шакллантирилди, кейинги қадам меморандумни амалга ошириш бўйича аниқ тадбирлар рўйхати ва амалий қадамларни ўз ичига олган батафсилроқ битимни имзолаш бўлади.
– Бу умуман Ўзбекистон учун ҳам, музейимиз учун ҳам жуда муҳим қадамдир. Бу, энг аввало, мамлакатларимиз ўртасидаги маданий мулоқотни ривожлантириш ва чуқурлаштиришга хизмат қилади. Бундан ташқари, ҳамкасблар билан учрашувлар чоғида музей ашёлари ва коллекцияларини ҳисобга олиш, сақлаш ва реставрация қилиш бўйича миллий базани такомиллаштириш масалаларини муҳокама қилдик. Ишончим комилки, ушбу ҳужжат шусиз ҳам мустаҳкам ва ишончли бўлган дўстлик алоқаларини янада мустаҳкамлаш учун янги истиқболли имкониятларни очади, – дея таъкидлади Ўзбекистон Давлат амалий санъат ва ҳунармандчилик тарихи музейи директори Исмат Юсупов.
Ўзбекистон Давлат амалий санъат ва ҳунармандчилик тарихи музейига кўргазмада тақдим этилган, Мстёра сулолавий усталари томонидан ясалган қутичалар совға қилинди. Ҳадя этилган лакли миниатюра намуналарининг сюжет асосини рангтасвир маҳорати ва ҳунармандчилик тарихини очиб берувчи анъанавий рус эртаклари, афсоналари, былиналари ва эпоси ташкил этади.
Ушбу воқеа ташриф буюрувчилар учун рус лакли миниатюраси анъаналарини ўрганишга кириш нуқтаси бўлибгина қолмай, балки икки мамлакат музейлар ҳамжамияти ўртасидаги касбий мулоқотни мустаҳкамлашда муҳим қадам бўлди.
Лойиҳанинг бош ҳамкорлари Россия Федерациясининг Ўзбекистон Республикасидаги Элчихонаси, Россотрудничество, Ўзбекистон Республикаси Президенти Администрацияси ҳузуридаги Маданият ва санъатни ривожлантириш жамғармаси ҳамда «Шарқ Аёли» жамоатчилик фонди ҳисобланади.