Роналду ва Жоржина никоҳдан аввал мол-мулкни ажратиш бўйича шартнома тузган — манба
Роналду ва Жоржина никоҳдан олдин мол-мулкни ажратиш бўйича келишувга эришган — манба
Португалиялик футбол юлдузи Криштиану Роналду ва унинг турмуш ўртоғи Жоржина Родригес тўй маросимидан бир кун аввал мол-мулкни алоҳида бошқаришни назарда тутувчи никоҳ шартномасини имзолаган. Бу ҳақда Жорнал де Нотíсиас нашри маълумот берди.
Манбанинг хабарига кўра, мазкур шартнома 10-август куни Лиссабондаги нотариал идорада расмийлаштирилган. Ҳужжатга мувофиқ, эр-хотин мол-мулкни алоҳида сақлаш тартибини танлаган.
Ушбу тартибга кўра, ҳар бир томон никоҳдан олдин ўзига тегишли бўлган мулкни, шунингдек, никоҳдан кейин ўз номига орттирган мулкни сақлаб қолади. Агар улар биргаликда бирон-бир мол-мулк сотиб олса, ушбу мулк ҳар икки томоннинг умумий мулки ҳисобланиши мумкин.
Маълумот ўрнида, Роналду ва Родригес 11-август куни Португалиянинг Кашкайш шаҳрида ёпиқ тарзда турмуш қурган. Роналду ва Родригес 2016-йилда Мадридда танишган. Ўша пайтда Жоржина Гусси дўконида сотувчи бўлиб ишлаган. Бугунги кунда жуфтликнинг Алана Мартина ва Белла Эсмералда исмли икки қизи бор. Умуман олганда, улар беш нафар фарзандни тарбияламоқда. Яна уч нафар фарзанд — кичик Криштиану ҳамда эгизаклар Матео ва Ева суррогат оналар ёрдамида дунёга келган.