Роналду Португалия миллий жамоасидаги фаолиятини якунламаганини билдирди
«Ан-Наср» ҳужумчиси Криштиану Роналду Португалия миллий жамоасидаги фаолиятини якунламаганини билдирди. 41 ёшли футболчи миллий жамоа сафида яна ўйнашга тайёрлигини айтди.
Роналду Португалия миллий жамоасидаги фаолиятини тугатмаганини айтди
«Ан-Наср» ҳужумчиси Криштиану Роналду Португалия миллий жамоасидаги фаолиятини якунламаганини маълум қилди. 41 ёшли футболчи терма жамоа сафида яна майдонга тушишга тайёр эканини билдирди.
«Хайрлашув ўйини мавзусида ҳақида кўп гапларни эшитдим. Ҳа, муносиб тарзда хайрлашишим керак ва федерация менга шундай имконият беришга тайёр.
Ҳаётда оч қолган, ейишга ҳеч нарсам бўлмаган пайтларда бир нарсани англадим: ҳеч ким ҳеч кимга ҳеч нарсани шунчаки бермайди.
Барча мухлисларимга, айниқса, Португалия халқига бир ёки бир нечта хайрлашув ўйини ўтказишимизга ваъда бера оламан. Бунинг учун ҳали вақт бўлади.
Аммо терма жамоа ҳақида ўйлаганимда, аввало, мусобақаларда курашишни ўйлайман. Отамнинг вафоти ҳақида хабар олган куни ҳам хаёлимда шу эди. Ўшанда терма жамоамиз йиғинида эдим ва эртаси кунги ўйин тугагунига қадар жамоада қолишга қарор қилдим. Мамлакатим учун қилган бу ишимни ҳеч бир клуб учун қилмаган бўлардим.
Шундай экан, жисмоний ҳолатим яхши бўлса, клубимда ўйнаб, умид қиламанки, голлар уриб турсам, менга белгиланиши мумкин бўлган ҳар қандай дисквалификация муддатини ўтаб бўлгач, терма жамоамиз учун курашиш ва ғалаба қозонишга ҳар доимгидек тайёр бўламан.»