Рафиня яна 3 та гол урди, «Арсенал» 3 та ўтказди. Кун ўйинлари
Шанба оқшомида Европа футболида рўй берган асосий воқеалар.
Рафиня яна 3 та гол урди, «Арсенал» 3 та ўтказди. Кун ўйинлари
«Тоттенҳем» – «Астон Вилла» 2:3
Манзамби, 45+4 (0:1). Жексон, 67 (0:2). Буендия, 79 (0:3). Галлаҳер, 86 (1:3). ван Ҳекке, 90+8 (2:3)
АПЛнинг шанба кунги дастури мавсумдаги омадсиз жамоалар — «Тоттенҳем» ва «Астон Вилла» баҳси билан бошланди. «Шпорлар»даги инқироз янада чуқурроқ экани аён бўлди: биринчи бўлимга қўшиб берилган дақиқаларда меҳмонлар ҳисобни очишди. Мезбонлар ҳимоячиси Роберцон тўп майдон ташқарисига чиқиб кетмаслиги учун уриниб кўрди, бироқ тўп меҳмонлар сардори Макгинн қўлига тушди. У бошлаб берган ҳужумда Камаранинг зарбаси нишонга етмади, аммо тўп Манзамбининг оёғига келиб тушди. Швейсария миллий жамоаси сафида ЖЧда порлаган бу ёш яримҳимоячи янги жамоасидаги дебютини гол билан нишонлади.
Роберто Де Дзерби шогирдлари эса АПЛдаги илк голини уришда ҳам қийналишди. Иккинчи бўлимда Қуддус дарвозани ишғол қилганди, аммо видеотакрор шуни кўрсатдики, ҳужумнинг бошланғич босқичида Роберцон офсайдда қолиб кетган. Орадан бир неча дақиқа ўтиб, Унаи Эмери жамоаси ҳисобдаги фарқни оширди. Шу куни жуда яхши ўйнаган Жексон Судзуки жарима майдонидан узатган тўпни ўзига бўйсундирди ва Манзамби билан девор услубида ўйнаб, ҳужум якунида ҳимоячини чиройли тарзда алдаб ўтди ҳамда тўпни бурчакка йўналтирди.
80-дақиқада — Буендиянинг зарбасидан кейин тўп дарвоза тўққизлигига бориб тушган пайтда — мезбонлар мухлислари трибуналарни тарк эта бошлашди. Стадионни эрта тарк этганлар Галлаҳернинг голини ва Де Дзербининг кинояли жилмайишини кўра олишмади. Лондонликлар ниҳоят АПЛда голлар ҳисобини очишди, ўйинга қўшиб берилган дақиқаларда эса ван Ҳекке яна бир бор «Астон Вилла» дарвозасини ишғол этди. Бироқ мезбонларда учинчи гол учун вақт етмади, меҳмонлар эса мавсумдаги илк ғалабасини қўлга киритди.
«Брайтон» – «Арсенал» 3:0