Қурилиш соҳасидаги қонунбузарликлар учун жазолар кучайтирилди
Ўзбекистонда кўп квартирали уйларни рухсатномасиз қуриш маъмурий жазо қўлланилганидан кейин яна содир этилса, уч йилдан беш йилгача озодликдан маҳрум қилиш билан жазоланади. Шаҳарсозлик қонунчилигини бузиш одам ўлимига ёки бошқа оғир оқибатларга сабаб бўлса, беш йилдан етти йилгача қамоқ жазоси белгиланди.
Қурилиш соҳасидаги қонунбузарликлар учун жавобгарлик кучайтирилди
2026-йил 28-сентабрдаги ЎРҚ-1179-сон қонун билан қурилиш соҳасида давлат назорати ва бошқарувини такомиллаштиришга қаратилган ўзгартиш ва қўшимчалар киритилди.
«Лицензиялаш, рухсат бериш ва хабардор қилиш тартиб-таомиллари тўғрисида»ги қонунга киритилган ўзгартишларга мувофиқ, қурилиш-монтаж ишларини бошлаш учун қурилиш ва уй-жой коммунал хўжалиги соҳасида назорат қилиш ҳудудий инспексияларидан рухсатнома олиш талаб этилади.
Жиноят кодексига киритилган ўзгартишлар кўп квартирали уйларни мазкур инспексиялар рухсатномасисиз қуриш учун жавобгарликни белгилайди. Бундай ҳаракат учун маъмурий жазо қўлланилганидан кейин қонунбузарлик такроран содир этилса, уч йилдан беш йилгача озодликдан маҳрум қилиш жазоси тайинланади.
Шунингдек, шаҳарсозлик тўғрисидаги қонунчиликни бузиш одам ўлишига ёхуд бошқа оғир оқибатларга олиб келса, беш йилдан етти йилгача озодликдан маҳрум қилиш билан жазоланади.
Қонун расмий эълон қилинган кундан эътиборан уч ой ўтгач кучга киради.