Қурилиш материалларидан таъмирлаш хизматларигача: Тошкентдаги Павилион савдо-қурилиш мажмуаси нималарни таклиф этади?
Ўзбекистонда қурилиш бозори жадал ўзгариб бормоқда. Керакли маҳкамлаш буюмлари, қурилиш қоришмалари ёки пардозлаш материалларини излаш соатлаб вақт оладиган очиқ бозорлардаги тартибсиз савдо қаторлари ўрнини замонавий савдо мажмуалари эгалламоқда. Пойтахтнинг Мирзо Улуғбек туманидаги Экобозор яқинида жойлашган Павилион савдо-қурилиш мажмуаси ҳам ушбу йўналишдаги лойиҳалардан биридир.
Қурилиш материалларидан тортиб таъмирлаш хизматларигача: Тошкентдаги Павилион савдо-қурилиш мажмуаси нималарни таклиф қилади?
Умумий майдони 39 минг квадрат метр, ҳудуди эса 4,6 гектар бўлган ушбу мажмуа қурилиш, таъмирлаш ва интерьер учун зарур маҳсулот ҳамда хизматларни бир жойда жамлашга мўлжалланган. Марказнинг меъморий ва функсионал консепсиясида харидорлар учун қулайлик, тезкорлик ва маҳсулотлардан фойдаланиш имконияти асосий омиллардан бири сифатида назарда тутилган.
Павилион савдо-қурилиш мажмуасида қурилиш материалларини харид қилиш билан боғлиқ бир нечта хизматлар бир ҳудудда жамланган:
Ихтисослашган дўконларда қуруқ қурилиш қоришмалари, арматура, ғишт ва гипсокартондан бошлаб, санитария-техника маҳсулотлари, ёритиш ускуналари, бўёқ материаллари, пол қопламалари ва декор элементларигача бўлган маҳсулотлар таклиф этилади.
Мажмуа ҳудудидаги омборлар харид қилинган маҳсулотларни битим тузилган куннинг ўзидаёқ жўнатиш имконини беради. Бу етказиб беришни кутиш вақтини камайтиришга хизмат қилади.
Мажмуа ҳудудида таъмирлаш бригадалари, етказиб бериш хизмати ва бошқа сервис-хизматлар фаолият юритади. Улар харид қилинган маҳсулотлардан фойдаланиб, таъмирлаш ишларини ташкил этишда ёрдам беради.
Ташриф буюрувчилар учун 800 та автоуловга мўлжалланган бир сатҳли автотураргоҳ мавжуд. Тижорат ҳамкорлари ва юк транспорти учун эса алоҳида кириш йўллари ҳамда юк тушириш ҳудудлари ажратилган.
Уч қават бўйлаб ёпиқ галереялар, навигация тизими, иқлим назорати ва табиий ёритиш кўзда тутилган. Бу дўконлар ўртасида турли об-ҳаво шароитларида ҳаракатланиш имконини беради.