Қурилиш ишларининг ярмидан кўпи кичик бизнес ҳиссасига тўғри келди
Ўзбекистонда 2026-йилнинг 8 ойида кичик корхона ва микрофирмалар томонидан қурилиш ишларининг 54,8 фоизи бажарилди
Қурилиш ишларининг ярмидан кўпи кичик бизнес улушига тўғри келди
2026-йил январ–август ойларида кичик корхона ва микрофирмалар томонидан 142,2 трлн сўмлик қурилиш ишлари амалга оширилган. Бу жами қурилиш ишлари ҳажмининг 54,8 фоизини ташкил этган бўлиб, кўрсаткич 2025-йилнинг мос даврига нисбатан 10,9 фоизга ошган.
Йирик қурилиш ташкилотлари саккиз ой давомида 66,7 трлн сўмлик иш бажарган. Бу умумий ҳажмнинг 25,7 фоизига тенг бўлиб, мазкур кўрсаткич ўтган йилнинг мос даврига нисбатан 18,8 фоизга ўсган.
Аҳоли томонидан бажарилган қурилиш ишлари ҳажми 50,5 трлн сўмни ташкил этган. Бу жами қурилиш ишларининг 19,5 фоизига тўғри келади. Ушбу йўналишдаги ҳажм бир йил ичида 6,2 фоизга ошган.