Қозоғистон дунёнинг энг рақобатбардош 40 та иқтисодиёти қаторига кирди

Қозоғистон дунёнинг энг рақобатбардош 40 та иқтисодиёти сафидан жой олди. Халқаро бошқарувни ривожлантириш институти (ИМД) Ворлд Сомпетитивенесс Ранкинг 2026 рейтингини эълон қилди.

Мазкур рейтинг мамлакатларнинг иқтисодиёт ва бизнес учун барқарор ривожланиш шароитларини яратиш салоҳиятини баҳолайди. Унда Қозоғистон 70 та давлат орасида 38-ўринни эгаллаган.

Қозоғистон қайси йўналишларда юқори натижа кўрсатди?

Тадқиқотда давлатларнинг рақобатбардошлиги тўртта асосий йўналиш бўйича баҳоланади: иқтисодиёт ҳолати, давлат бошқаруви самарадорлиги, бизнес самарадорлиги ва инфратузилма. Рейтингни шакллантиришда статистик маълумотлар ҳамда компания раҳбарлари ўртасида ўтказилган сўров натижалари асос қилиб олинган.

ИМД Қозоғистоннинг йигирмата йўналишдаги натижаларини алоҳида кўрсатган. Энг яхши кўрсаткичлар орасида:

солиқ сиёсати — 9-ўрин;

халқаро савдо — 19-ўрин;

меҳнат бозори — 20-ўрин;

бошқарув амалиётлари — 20-ўрин;

бизнесдаги қадриятлар ва қарашлар — 20-ўрин;

бандлик — 26-ўрин;

институционал муҳит — 29-ўрин;

меҳнат унумдорлиги ва самарадорлик — 32-ўрин;

ички иқтисодиёти — 33-ўрин.

Аҳолиси 20 миллиондан ошган давлатлар орасида Қозоғистон 15-ўринни эгаллади. Европа, Яқин Шарқ ва Африка мамлакатлари гуруҳида эса республика 25-ўринда қайд этилган. Сингапур, Гонконг, Швейсария, Тайван, БАА, Дания, Ирландия, Нидерландия, Швеция ва АҚШ топ ўнталикка кирди.