Қорақалпоғистонда икки килограммдан ортиқ марихуана мусодара қилинди. Видео
Қорақалпоғистонда икки килограммдан ортиқ марихуана мусодара қилинди. Видео
Қорақалпоғистоннинг Тўрткўл туманида гиёҳвандлик моддаларининг ноқонуний айланмасига чек қўйилди. Ҳуқуқ-тиртибот ходимлари икки килограммдан ортиқ марихуанани мусодара қилишди, гумонланувчи эса тақиқланган моддани бошқа шахсга топшираётган вақтда қўлга олинди.
Махсус операцияни Қорақалпоғистон божхона бошқармаси ходимлари ДХХ, ИИВ ва Миллий гвардия вакиллари билан ҳамкорликда ўтказдилар.
Ҳуқуқ-тиртибот ходимларининг маълумотларига кўра, қўлга олинган шахс илгари кузатувда бўлган ва гиёҳвандлик моддасини топшираётган вақтда жиноят устида ушланган.
Кейинги текширувлар давомида марихуана бир нечта жойдан: гумонланувчининг автомобилидан, унинг уйидан ва бошқа бир фуқародан топилди. Мусодара қилинган модданинг умумий вазни 2,18 килограммни ташкил этди.
Юз берган ҳолат юзасидан тергов ҳаракатлари давом этмоқда. Ишнинг бошқа тафсилотлари ҳозирча маълум қилинмаяпти.
Аввалроқ Тошкент вилоятининг Қибрай туманидаги ижарага олинган қишлоқ хўжалиги майдонида 7 килограмм марихуана бўлган иккита контейнер топилган эди.