Қўлланма: ИЕЛЦ ёки бошқа халқаро имтиҳон учун сарфланган пулни қандай қайтариб олиш мумкин?

Қўлланма: ИЕЛЦ ва бошқа халқаро имтиҳонлар учун тўланган пулларни қайтариш тартиби

2021-йилдан бошлаб Ўзбекистонда халқаро имтиҳонларни муваффақиятли топширган фуқаролар имтиҳон учун сарфланган маблағларни қайтариб олиш имкониятига эга бўлдилар.

Агар иштирокчи белгиланган минимал баллдан юқори натижа кўрсаца, имтиҳоннинг тўлиқ қийматини қоплаш мумкин. Масалан, ИЕЛЦ имтиҳони учун камида 7 балл тўплаш талаб этилади. Ушбу компенсация Ёшлар ишлари агентлиги томонидан тўлаб берилади.

Компенсацияни кимлар олиши мумкин?

* Имтиҳон топшириш вақтида 31 ёшга тўлмаган Ўзбекистон фуқаролари.

* Республикада доимий яшовчи фуқаролиги бўлмаган шахслар.

* Агар имтиҳонни 16 ёшга тўлмаган шахс топширган бўлса, аризани унинг ота-онаси ёки қонуний вакили (вакиллик ҳуқуқини тасдиқловчи ҳужжат билан) топширади.

Қайси имтиҳонлар учун компенсация берилади?

Компенсация олиш мумкин бўлган 18 та халқаро имтиҳон рўйхати мавжуд. Ҳар бир имтиҳон учун белгиланган минимал балл ёки даражага эришиш шарт.

ТестДаФ, Гоетҳе-Зертификат, ДЕЛФ, ДАЛФ, ТСФ, ТОПИК, ЖЛПТ ва ҲСК имтиҳонлари учун 2027-йил 1-январгача минимал даражадан бир поғона паст натижа кўрсатилса ҳам компенсация олиш мумкин. Бу имтиёз фақат шу 7 та имтиҳонга ва белгиланган муддатгача амал қилади. Бошқа имтиҳонлар учун бундай енгиллик мавжуд эмас.

Курслар учун ҳам пулни қайтариш мумкинми?

Йўқ. Ягона порталда хизмат "ўқиш ва имтиҳон топшириш харажатлари учун компенсация" деб номланса-да, фақат имтиҳоннинг ўз нархи қопланади. Курслар, репетиторлик хизматлари ва бошқа тайёргарлик харажатлари компенсация ҳисобидан қопланмайди.

Ариза қачон топширилади?

Сертификат олинган кундан бошлаб 180 кундан кечиктирмай ариза топшириш лозим. Бу муддатдан кейин компенсация олиш имкони бўлмайди.

Аризани қаерга топшириш керак?

Аризани Ягона интерактив давлат хизматлари портали (my.gov.уз) орқали онлайн топшириш мумкин. Хизмат "Ўқиш ва халқаро имтиҳонларни топшириш харажатларини қоплаш учун ариза бериш" деб номланади.

Тизимга ОнеИД ёки МьиД орқали кирилади, бу шахсий маълумотларнинг бир қисмини автоматик тўлдиришга ёрдам беради. Аризага сертификат ва тўлов квитансияси ПДФ форматида илова қилинади. Анкетада сертификатнинг рўйхатдан ўтган рақами, берилган санаси ва имтиҳон топширилган ташкилот кўрсатилиши шарт.

Ариза топширилгандан сўнг пул автоматик тушадими?

Йўқ. Ягона порталдаги тасдиқ пул ўтказилганини англатмайди.

Ёшлар ишлари агентлиги сертификатни 12-15 иш куни ичида текширади (агар сертификатни берган ташкилотдан тасдиқнома талаб этилса, бу муддат 42 кунгача чўзилиши мумкин). Маъқуллангандан сўнг СМС хабар келади ва my.gov.уз сайтидаги шахсий кабинетда компенсация олиш ҳуқуқини берувчи маълумотнома пайдо бўлади. Бу маълумотнома кейинги босқичда зарур бўлади.

Пулларни қандай олиш мумкин?

ЙИДХПда компенсация олиш ҳуқуқини тасдиқловчи маълумотнома пайдо бўлгандан сўнг, яна 12 кун кутиш ва шундан кейингина банкка сўров юбориш керак.

Компенсацияни Халқ Банкининг "Хазна" иловаси орқали олиш мумкин. Иловани Апп Сторе ёки Плай Маркетъдан юклаб олиш мумкин. Аввал иловада рўйхатдан ўтиш (телефон рақамини киритиш, аккаунт яратиш ва парол ўрнатиш) лозим.

Иловага киргач, алоҳида идентификациядан ўтиш талаб этилади: паспорт серияси ёки ЖШШИР, туғилган сана кўрсатилади ва юзни сканерлаш орқали биометрик текширувдан ўтилади. Рўйхатдан ўтиш ва идентификация бир марталик жараён бўлса-да, идентификация биринчи уринишдаёқ ўтмаслиги мумкин, шунинг учун қайта уринишга тайёр туриш керак.

Пул келиб тушадиган банк картасини иловага алоҳида бириктириш лозим. Фақат идентификациядан ўтиб, карта бириктирилгандан сўнггина "Хизматлар" → "Ижтимоий хизматлар" → "Халқаро имтиҳон (харажатларни қоплаш)" бўлимига кириш имкони очилади. Ушбу бўлимда маблағларни қайтариш учун сўров юбориш ва маълумотномани илова қилиш керак бўлади.

Бу имтиҳон топширган шахснинг картаси бўлиши шартми?

Йўқ. Иловага исталган картани қўшиш мумкин – бу карта имтиҳон топширган шахсга тегишли бўлиши шарт эмас. Қайси карта уланганидан қатъи назар, пул ўша картага тушади.

Имтиҳон учун тўланган сумма тўлиқ қайтариладими?

Ҳа, имтиҳон нархининг 100 фоизи қопланади. Масалан, ҳозирда Тошкентда ИЕЛЦ имтиҳонига рўйхатдан ўтиш 2 664 000 сўмдан бошланади – айнан шу сумма (ёки амалда қанча тўланган бўлса, ўша) қайтариб берилади.

Қўшимча тўлов қилиш керакми?

Йўқ. My.gov орқали ариза бериш ҳам, банкдан пул олиш ҳам бепул, ҳеч қандай комиссия ундирилмайди.

Компенсацияни нақд пулда олса бўладими?

Йўқ. Тўлов фақат "Хазна" иловаси орқали амалга оширилади, бўлимда нақд пул берилмайди.

Нима учун "Хазна" иловасида "Хизмат мавжуд эмас" хабари пайдо бўлади?

Бу компенсация рад этилганини билдирмайди. Эҳтимол, Ёшлар ишлари агентлиги жорий давр учун тўловлар лимитини тугатган ёки янги молиялаштириш ҳали келиб тушмаган бўлиши мумкин – компенсация маблағлари ҳар 15 кунда ўтказилади. Янги молиялаштириш келиб тушиши билан тўлов "Хазна" иловасида яна фаоллашади. Бунинг қачон содир бўлишини Ёшлар ишлари агентлигининг расмий Телеграм каналида билиб олишингиз мумкин – у ерда лимитлар ва молиялаштириш босқичлари ҳақидаги янгиликлар эълон қилиб борилади.

Нега аризам рад этилди?

Кўпинча аризани тўлдиришда хатоликка йўл қўйилгани, балл етарли бўлмагани ёки сертификат олинганидан кейин 180 кун ўтиб топширилгани сабабли рад этилади. Агар сабаб аризадаги хатолик бўлса, уни дарҳол тузатиб, қайтадан топширишингиз мумкин.

Компенсацияни бир неча марта олса бўладими?

Бир имтиҳон учун фақат бир марта олиш мумкин. Лекин кейинроқ бошқа турдаги имтиҳонни (масалан, ИЕЛЦъдан кейин ТОЕФЛъни) топшириб, керакли баллни тўпласангиз, у учун ҳам алоҳида компенсация олишингиз мумкин.

Менда ҳали саволлар бор. Қаерга мурожаат қилсам бўлади?

Ёшлар ишлари агентлиги дастурга оид батафсил йўриқномалар ва тушунтиришлар бериб бориладиган Телеграм канални юритади. Агар маблағни қайтаришда муаммоларга дуч келсангиз, канал администраторига +998 71 209-01-04 (ички рақамлар: 305, 406) орқали мурожаат қилишингиз мумкин.