Қирғизистонда Ўзбекистон томонга олиб борувчи туннел аниқланди
Қирг&лсқуо;изистоннинг Боткен вилоятида О&лсқуо;збекистон томонга олиб борувчи 12 метр чуқурликдаги ерости туннели аниқланди.
Қирғизистонда Ўзбекистон йўналишида қазилган туннел топилди.
Тошкент, Ўзбекистон (UzDaily.uz) — Қирғизистоннинг Боткен вилоятида ҳуқуқ-тартибот идоралари ходимлари ерости туннелини аниқладилар. Дастлабки маълумотларга кўра, ушбу туннел Қирғизистон-Ўзбекистон давлат чегараси орқали товарларни ноқонуний олиб ўтиш мақсадида фойдаланилган бўлиши мумкин.
Боткен вилояти Ички ишлар бошқармаси хабарига кўра, экстремизм ва ноқонуний миграцияга қарши курашиш хизмати ходимлари чегара ҳудудида ерости йўлаги қурилаётгани ҳақида тезкор маълумотга эга бўлишган.
Ўтказилган текширувлар натижасида Қадамжой туманидаги Исхоқ-Пўлатхон айил аймоғининг Чечелик қишлоғида жойлашган ташландиқ уйда Ўзбекистон ҳудудига олиб борувчи туннел топилган.
Ҳуқуқни муҳофаза қилувчи органлар маълумотларига кўра, ушбу ерости иншоотининг чуқурлиги тахминан 12 метр, кенглиги эса қарийб 1,5 метрни ташкил этади.
Айни пайтда терговга қадар текширув ишлари олиб борилмоқда. Тергов органлари воқеанинг барча тафсилотларини, шунингдек, туннелни қуриш ва ундан эҳтимолий фойдаланишга алоқадор шахсларни аниқлаш устида ишламоқда.
Ҳуқуқни муҳофаза қилувчи органларнинг дастлабки тахминига кўра, ушбу ерости йўлагидан давлат чегараси орқали товарларни ноқонуний олиб ўтиш учун фойдаланилган бўлиши мумкин.