Қайси мамлакатлар дунёга энг кўп дизел етказиб бермоқда?
2025-йилда АҚШ кунига ўртача 1,26 миллион баррел дизел ёнилғиси экспорт қилиб, дунёда биринчи ўринни эгаллади. Кейинги ўринларни Россия ва Саудия Арабистони банд этди.
Қайси давлатлар дунёга энг кўп дизел етказиб бермоқда?
Накед Ссиенсе ёритган Висуал Сапиталист инфографикасида мамлакатларнинг 2025-йилдаги дизел экспорти кўрсаткичлари солиштирилган. Маълумотлар Жоинт Органисатионс Дата Инитиативе — ЖОДИ ва Нефт экспорт қилувчи мамлакатлар ташкилоти — ОПЕКнинг ойлик статистикаси асосида йиллик ўртача қийматлар тарзида ҳисобланган.
АҚШдан кейинги поғонада турган Россия кунига ўртача 783,4 минг баррел, Саудия Арабистони эса 678,2 минг баррел дизел экспорт қилган.
Топ бешликка Ҳиндистон ва Жанубий Корея ҳам кирган. Уларнинг ҳар бири суткасига 500 минг баррелдан ортиқ дизел ёнилғисини ташқи бозорларга етказиб берган.
АҚШ етакчилиги йирик қайта ишлаш қувватлари билан изоҳланади
Материалда АҚШнинг экспортдаги устунлиги, асосан, мамлакат нефтни қайта ишлаш саноатининг катталиги билан тушунтирилган.
2026-йил январ ҳолатига кўра, АҚШда 130 та фаол нефтни қайта ишлаш заводи мавжуд бўлган. Уларнинг нефтни бирламчи қайта ишлаш бўйича жами қуввати суткасига 18,2 миллион баррелни ташкил этган.
Баъзи мамлакатлар экспортида қайта экспорт улуши юқори
Нидерландия, Сингапур ва Белгия биргаликда жаҳон дизел экспортининг 12,9 фоизини таъминлаган. Аммо бу ҳажмнинг сезиларли қисми қайта экспорт ҳиссасига тўғри келади.
Бу давлатлар йирик савдо марказлари сифатида дизел ёнилғисини импорт қилади, сақлайди, турли партияларни аралаштиради ва кейин бошқа бозорларга юборади. Шу боис уларнинг экспорт кўрсаткичлари фақат ўз заводларида ишлаб чиқарилган ёнилғи ҳажмини англатмайди.
Европа экспортда етакчи, бироқ импортга ҳам катта эҳтиёж сезади
Минтақалар кесимида Европа жаҳон дизел экспортининг 35,3 фоизи билан биринчи ўринни эгаллаган. Европанинг ушбу экспорт ҳажмида Россия улуши чоракдан кўпроқни ташкил этган.
Европа экспортининг катта қисми минтақа ичидаги савдога тўғри келади. Жумладан, Германия, Италия ва Испаниядаги нефтни қайта ишлаш корхоналари қўшни мамлакатларга ёнилғи етказиб беради.