Қайси давлат ҳарбий тадқиқотларга кўпроқ сарфлаётгани маълум бўлди
Иқтисодий ҳамкорлик ва тараққиёт ташкилоти маълумотларига асосланган рейтингда АҚШ мудофаа соҳасидаги илмий тадқиқот ва ишланмаларга ЯИМга нисбатан энг кўп бюджет маблағи ажратаётган давлат бўлди. Ҳар 1000 долларлик ЯИМ ҳисобидан АҚШда бу йўналишга 3,64 доллар, Жанубий Кореяда эса 2,06 доллар сарфланмоқда.
Ҳарбий тадқиқотларга энг кўп маблағ ажратаётган давлат маълум бўлди
Рейтингда мамлакатларнинг мутлақ харажатлари эмас, балки ҳар 1000 долларлик ялпи ички маҳсулотга тўғри келадиган бюджет ажратмалари инобатга олинган.
Маълумотлар ОЕСД Эсономис Оутлоок ҳисоботининг 2026-йилдаги биринчи сонидан олинган. Рейтингда асосан 2024-йил кўрсаткичлари ёки 2026-йил август ҳолатига кўра мавжуд бўлган энг сўнгги маълумотлардан фойдаланилган.
Рейтингнинг илк бешлиги қуйидагича:
АҚШ — ҳар 1000 долларлик ЯИМга 3,64 доллар;
Жанубий Корея — 2,06 доллар;
Буюк Британия — 0,97 доллар;
Германия — 0,79 доллар;
Франсия — 0,50 доллар.
АҚШ катта тафовут билан пешқадам
АҚШ ҳар 1000 долларлик ЯИМ ҳисобидан мудофаа тадқиқотлари ва янги ҳарбий технологияларни ишлаб чиқишга 3,64 доллар йўналтирмоқда. Бу мамлакат ЯИМининг тахминан 0,364 фоизига тенг.
Америка кўрсаткичи иккинчи ўриндаги Жанубий Кореяникидан қарийб 1,8 баравар, учинчи ўриндаги Буюк Британияникидан эса 3,7 баравардан ҳам юқори.
АҚШ мутлақ кўрсаткич бўйича ҳам дунёда энг йирик ҳарбий харажатларга эга давлат бўлиб қолмоқда. 2025-йилда мамлакатнинг умумий ҳарбий харажатлари 954 млрд долларни ташкил этган. Бу дунёдаги барча ҳарбий харажатларнинг қарийб учдан бирига тенг.
АҚШ ҳарбий бюджетининг ЯИМдаги улуши 2025-йилда 2015–2022-йиллардаги ўртача йиллик кўрсаткичга нисбатан пасайган.
Шунга қарамай, 2026-йил апрелида Доналд Трамп маъмурияти ҳузуридаги АҚШ ҳарбий идораси 2027 молия йили учун мудофаа бюджетини рекорд даражадаги 1,5 трлн долларга етказишни сўради. Бу 2026-йилги молиялаштириш даражасидан 42 фоиз кўп.
Жанубий Корея — ягона яқин рақобатчи