«Путин – нолинчи рақамли пациент. Уни тўхтатиш керак». Зеленский БМТда чиқиш қилди
Украина президенти Володимир Зеленский 23-сентабр куни Ню Ёркда БМТ бош ассамблеясида чиқиш қилди. Қуйида унинг нутқи қисқартирилган ва мазмуни сақланган ҳолда келтирилади.
«Путин – нолинчи рақамли пациент. Уни тўхтатиш керак». Зеленский БМТда нутқ сўзлади
Йил бошидан бери Россия 248 минг кишидан айрилди. Шу давр ичида у минг километр квадрат ҳудудни эгаллашга улгурган, бироқ Украина унинг катта қисмини қайтариб олди. Ўз ҳудудига яна минг километр квадрат ер қўшиш учун Путин ҳар бир километр учун 248 кишини қурбон қилди.
Путин беш йил давомида 17-18 марта бир хил ваъдани берди: яна бир неча ой, кейин уруш тугайди — аммо муддатлар доим ортга сурилмоқда. Путин кўпроқ шаҳарларимизни эгаллашни истайди. «Тинчлик» сўзини айтишга унга нимадир халақит бермоқда. Унга 17 миллион километр квадратлик ўз ҳудуди етарли бўлиши керак, аммо у бошқаларнинг ерига кўз тикмоқда. Путинни урушсиз тасаввур қила оласизми?
У нолинчи рақамли пациент: унинг уруш ғояси янги ҳудудларга ёйилмоқда. Путиннинг қўллари қанчалик ечилса, у ҳаммага шунчалик хавфли бўлади. Нолинчи пациент тўхтатилиши керак.
Россия нефти — Украина нишони эмас. Бензин, дизел, заводлар — Украинанинг нишони эмас. Путинни тўхтатиш учун Россиянинг молиялаштириш манбалари ва ишлаб чиқаришини тўхтатиш керак. Биз Россиянинг даромадларини ёқиб юборишга уринмоқдамиз — бизнинг нишонимиз шу.
Россиянинг бирорта мулозими Россия генерал Мороздан ҳимояланиши кераклигини хаёлига ҳам келтирмаган. Агар Россия бизнинг энергетика обьектларимизга зарба берса, биз ҳам худди шундай йўл тутамиз. Шунинг учун қишгача вазиятни юмшатиш керак.