Президент саройига зарба берган ҳусийлар ва Покистондаги фожиа – кун дайжести
Ўтган кун давомида жаҳонда рўй берган энг асосий воқеа ва янгиликлар шарҳи билан кундалик хабарномада таништирамиз.
Президент саройига зарба берган ҳусийлар ва Покистондаги фожиа – кун дайжести
**Покистонда фожиа: ўнлаб ўқувчилар ҳалок бўлди**
Покистон шимоли-ғарбидаги Пешовар шаҳрида жойлашган хусусий мактаб томи қулаб тушиши оқибатида камида 33 ўқувчи ва бир ўқитувчи ҳалок бўлди. Яна ўндан ортиқ одам жароҳат олди, улардан айримларининг аҳволи оғир экани айтилмоқда.
Фавқулодда хизматлар берган маълумотга кўра, ҳодиса пайшанба куни эрталаб, дарслар бошланганидан кўп ўтмай, «Ал-Хайр» хусусий мактабида юз берган. Уч қаватли бинонинг энг юқори қаватидаги синфхона томи қулаб, пастдаги икки қаватнинг шифтларини ҳам босиб қолган. Фалокат пайтида жойда 100 дан ортиқ ўқувчи бўлган.
Мактаб жуда тор кўчада жойлашгани сабабли қутқарувчиларнинг воқеа жойига етиб бориши ва жароҳатланганларни шифохонага олиб кетиши қийин кечди. Маҳаллий аҳоли вакиллари ёрдамга келиб, қўл кучи билан вайроналар остидан 20 дан ортиқ болани чиқариб олишган.
Пешовар полициясига кўра, вақтинчалик қурилган бино сифациз том плиталаридан иборат бўлиб, меёридан ортиқ юкламага бардош бера олмаган. Ҳозир мактаб эгаси ҳибсга олинган, қурилиш қоидалари бузилгани юзасидан тергов бошланган. Расмийлар ҳудуддаги барча мактабларда хавфсизлик аудитини ўтказишни буюрган.
Сўнгги ойларда Покистонда хавфсизлик талабларига риоя қилинмагани ортидан бир қатор фожиалар юз берди: июн ойида Лаҳор яқинидаги ўқув маркази томи қулаб, 14 нафар бола вафот этганди. Августда эса Исломободдаги шифохонада ёнғин чиққан ва сигнализациялар ишламаган, натижада 14 нафар чақалоқ ҳалок бўлганди.
Тесла компанияси тўққиз йилдан бери кутилаётган янги Роадстер спорт автомобилини намойиш қилди. Тақдимот 15-октабр куни Техасдаги СпасеХ синов майдонида бўлиб ўтди.
Роадстер аввал тик юриб тескари ҳолатга ўтадиган рампада ҳаракатланди. Бунга автомобил тагидаги ҳавони сўриб, вакуумга яқин ҳолат ҳосил қиладиган вентиляторлар ёрдам берди. Кейин у реактив қурилмалар ёрдамида ҳаракатланаётган пайтда ердан кўтарилди. Сўнг бир нечта юк машинаси ва оддий машиналар устидан учиб ўтди. Тесла маълумотига кўра, автомобилда 10 та реактив қурилма бор. Улар учун 250 килограммгача сиқилган ҳаво сақлайдиган иккита 300 литрли бак ўрнатилган.
Намойишда Роадстер 0,8 сонияда соатига 97 километр (60 миля) тезликка чиқди. Автомобилнинг учала версияси бир марта қувватлантиришда тахминан 480 километр юриши мумкин. Энг юқори тезлиги соатига 370 километрдан ошади.