Маҳаллий
Президент бугун Хоразмга боради
Президент Шавкат Мирзиёев 17-август куни Хоразм вилоятига ташриф буюради. Давлат раҳбари ҳудудда амалга оширилаётган қатор янги лойиҳалар ва яратилган инфратузилма билан танишади.
Президентнинг Хоразм вилоятига бугунги ташрифи кутилмоқда. Сафар давомида давлат раҳбари саноат, таълим, транспорт, туризм каби соҳалардаги янги лойиҳалар билан танишиши режалаштирилган.
Бундан ташқари, вилоятда бир қанча янги лойиҳаларни ишга тушириш ва уларнинг қурилишига старт бериш кўзда тутилган. Ташриф доирасида, 18-август куни президентнинг тадбиркорлар билан навбатдаги очиқ мулоқоти ҳам бўлиб ўтади.