Президент асаларичи Бахтияр Жубаевни “Дўстлик” ордени билан тақдирлади
Президент асаларичи Бахтияр Жубаевни “Дўстлик” ордени билан мукофотлади
Шавкат Мирзиёевнинг Қорақалпоғистон Республикасига ташрифи чоғида президент билан учрашиб, “Фидойи асаларичи” кўкрак нишонини таъсис этиш бўйича таклиф билдирган Нукус туманидаги асаларичилик хўжалиги раҳбари Бахтияр Жубаев “Дўстлик” орденига сазовор бўлди.
Қайд этилишича, у ўзининг изланувчанлиги ва ишбилармонлиги билан мамлакатда асаларичиликни ривожлантириш, соҳада истиқболли лойиҳаларни амалга оширишга муносиб ҳисса қўшиб келаётгани учун мукофотланган.
Шунингдек, Жубаев кооперация асосида фаолиятини кенгайтириб, янги иш ўринларини яратиш, аҳоли бандлигини таъминлаш ва фаровонлигини ошириш, камбағалликни қисқартириш борасида алоҳида ташаббускорлик кўрсатаётгани ҳам алоҳида таъкидланган.