Пойтахт ҳокимлиги 2034 йилгача берилган реклама паспортларини бекор қилмоқчи: тадбиркор ва давлат органлари ўртасида ҳуқуқий баҳс юзага келди .
Тошкент шаҳрида дизайн-код кучга киргач, Рақамли ривожланиш департаменти кўп қаватли уйлар томига ўрнатилган реклама конструксияларини демонтаж қилиш бўйича тадбиркорларга талабномалар юбора бошлади. .
Пойтахт ҳокимлиги 2034 йилгача берилган реклама паспортларини бекор қилишни режалаштирмоқда: тадбиркорлар ва давлат органлари ўртасида ҳуқуқий баҳс юзага келди.
Тошкент шаҳрида дизайн-код кучга киргач, Рақамли ривожланиш департаменти кўп қаватли уйлар томига ўрнатилган реклама конструксияларини демонтаж қилиш учун тадбиркорларга талабномалар юборишни бошлади. Тадбиркор Kun.uzъга йўллаган мурожаатида реклама жойлари учун давлатга юз миллионлаб сўм тўлаганини, реклама паспортлари эса яна бир неча йил давомида амал қилиши кераклигини таъкидламоқда. Янги талаблар сабабли бизнес бу ҳуқуқлардан муддатидан олдин маҳрум бўлмоқда. Масала атрофида тадбиркор, Тошкент шаҳар ҳокимлиги ва Адлия вазирлиги турлича ҳуқуқий талқинларни илгари сурмоқда.
Сингле Медиа Гроуп МЧЖ Kun.uzъга маълум қилишича, компания 2025 йилда Тошкент шаҳар ҳокимлиги ҳузуридаги Рақамли ривожланиш департаментидан кўп квартирали уйлар томига реклама конструксияларини жойлаштириш бўйича икки реклама жойи паспортини олган. Улардан бири 2030 йилгача, иккинчиси эса 2034 йилгача амал қилиши белгиланган.
Бироқ 2026 йил май ойида компанияга юборилган билдиришномада Тошкент шаҳрининг дизайн-коди кучга киргани, унга кўра кўп квартирали уйлар том қисмида реклама конструксияларини жойлаштириш тақиқлангани сабаб реклама конструксияларини 10 кун ичида демонтаж қилиш талаб қилинган. Департамент реклама жойи паспортларини бекор қилиш чоралари кўрилаётганини маълум қилган.
Тадбиркор: «Биз қонуний рухсатнома асосида инвестиция қилганмиз»
Компания вакилининг айтишича, реклама жойлари учун давлатга катта миқдорда тўловлар амалга оширилган. Хусусан, Шота Руставели кўчасидаги реклама жойи учун шу кунгача 270,4 млн сўм, Чилонзор тумани, Олмазор даҳасидаги реклама жойи учун эса 69,4 млн сўм тўланган.
Тадбиркор реклама паспортлари 2030 ва 2034 йилгача амал қилишига ишониб инвестиция киритганини, янги дизайн-код эса илгари берилган ҳуқуқларни бекор қилаётганини таъкидламоқда.
Компания Омбудсманга йўллаган мурожаатида бир нечта ҳуқуқий асосларни келтирган.
Биринчидан, тадбиркор президентнинг 2026 йил 5 февралдаги ПҚ-48-сон қарорига таянмоқда. Мазкур ҳужжат билан кўп квартирали уйларни бошқариш тизими такомиллаштирилган бўлиб, унда уйларнинг умумий мол-мулкидан олинадиган даромадлар қаторида реклама жойлаштиришдан тушадиган маблағлар ҳам кўрсатилган. Қарорга кўра, реклама, мобил алоқа антенналари ва бошқа умумий мол-мулкни ижарага беришдан тушадиган даромадлар кўп квартирали уйнинг банк ҳисобрақамига йўналтирилади ҳамда мулкдорларнинг даромади ҳисобланади.
Шунингдек, қарорнинг 9-иловасида ищи гуруҳларга кўп квартирали уйларнинг реклама жойлаштириш мумкин бўлган жойларини аниқлаш вазифаси юклатилган.
Тадбиркор айнан шу нормаларга таяниб, Президент қарорида реклама конструксияларини, жумладан том қисмида реклама жойлаштиришни тақиқловчи норма мавжуд эмаслигини, аксинча реклама жойлаштириш даромад манбайи сифатида эътироф этилганини таъкидламоқда.
Иккинчидан, компания “Норматив-ҳуқуқий ҳужжатлар тўғрисида”ги қонуннинг 41-моддасига мурожаат қилиб, норматив-ҳуқуқий ҳужжатлар орқага қайтиш кучига эга эмаслигини эслатмоқда. Унинг фикрича, дизайн-код куч