Полина Кудерметова Chennai Open чорак финалига чиқди
Ўзбекистонлик теннисчи Оксана Селехметьевани 6:3, 6:0 ҳисобида мағлуб этди ва Ҳиндистондаги WTA 250 турнири соврини учун курашни давом эттиради.
Полина Кудерметова Chennai Open чорак финалига йўл олди
Ўзбекистонлик теннисчи Полина Кудерметова Ҳиндистонда ўтказилаётган WTA 250 тоифасидаги Chennai Open турнирининг чорак финалига чиқди.
Иккинчи босқич учрашувида Ўзбекистон вакиласи дунёнинг 122-ракетаси бўлиб турган Оксана Селехметьевага қарши кортга чиқди ва икки сетда — 6:3, 6:0 ҳисобида ғалаба қозонди.
Чорак финалга чиққани учун Кудерметова 54 рейтинг очкосини қўлга киритди. Лайв-рейтингнинг дастлабки прогнозига кўра, у 867 очко билан жаҳон рейтингида 81-ўринга кўтарилиши мумкин.
Теннисчининг расмий ўрни WTA рейтингининг навбатдаги янгиланишидан сўнг маълум бўлади.