“Покистонлик Ҳалк”: 436 кило вазнга эга дунёнинг энг ғайриоддий эркаги қандай кўринишда?

“Покистонлик Ҳалк”: 436 кило вазнга эга дунёнинг энг ғайриоддий эркаги қандай кўринишда?

Покистоннинг Мардан шаҳрида ноодатий бир эркак яшайди. Унинг исми — Арбоб Хизр Ҳаёт. Интернетда у кўпроқ Хон Бобо тахаллуси билан машҳур. Унинг вазни 436 килога етади. У гавдасидан уялмайди, аксинча, бундан фахрланади. Хон Бобо ўзини бутун сайёрадаги энг кучли инсон деб билади.

Хон Бобо 34 ёшда. Бўйи 190 см, вазни 436 кило. Интернетда Хон Бобонинг тракторни бир қўли билан тортаётгани акс этган бир нечта видеолар тарқалган. Унинг ўзи эса буни енгил чигалёзди машқи деб ҳисоблайди.

Покистонлик эркак журналистларга берган интервюсида 2012-йили Японияда ўтган оғир атлетика мусобақасида қатнашганини айтган. Ўша ерда у гўёки 5000 кило тошни кўтарган эмиш. Унинг сўзларига кўра, ҳатто Ҳалк ҳам бунча оғирликни кўтара олмаган бўларди.

Бўлажак паҳлавон бадавлат оилада туғилган. У 18 ёшгача оддий йигитдек кўринарди. Кейин тана вазни кескин ва тушунарсиз тарзда ортиб бора бошлади. Йигит шифокорларга мурожаат қилиш ўрнига бошқача йўл танлади. Хон Бобо янада каттароқ бўлишга қарор қилди. Шу мақсадда у кучайтирилган овқатланиш тартибига ўтди. Ҳозир унинг кунлик таомномасидаги калориялар миқдори 10 000 дан ошади.

Бу одамнинг нонуштаси кишини ҳайратга солади. У бир ўтиришда 36 та тухум ейди. Бундан ташқари, 4 та товуқ ва 3 кило қизил гўшт истеъмол қилади. Буларнинг барчасини 5 литр сут билан ичиб юборади. Ана шундай овқатланиш тартиби унинг ҳозирги вазнини бир меъёрда ушлаб туради.

Йигитнинг айтишича, ортиқча вазн унга ноқулайлик туғдирмайди. Ягона муаммо транспорт билан боғлиқ. У оддий машинага сиғмайди. Бу масалани ҳал қилиш учун Хон Бобо улкан йўлтанламас сотиб олган. У ўзининг она шаҳри Мардонда машҳур шахсга айланган. Ўткинчилар тез-тез у билан суратга тушишни сўрашади. Маҳаллий телеканаллар уни мунтазам равишда суҳбатга таклиф қилади. Йигит бундай таклифларга бажонидил рози бўлади.

Покистонлик йигит келажагини спорт билан боғлайди. У рингга чиқиб, куращи бўлмоқчи. Шунингдек, унинг режаларида рестлинг мусобақаларида ғалаба қозониш ҳам бор. Ҳозирча бу орзулар фақат режа бўлиб турибди. Аммо йигит ўзининг жуссаси ва кучи муваффақиятга эришишига ёрдам беришига ишонади. У томошабинлар ва рақибларни ҳайратда қолдира олишини айтади.

Бўйи 190 сантиметр бўлган эркакнинг суратлари ҳам ваҳимали кўринади. Бироқ унинг ақлбовар қилмас кучига ҳамма ҳам ишонмайди. Бир нечта мутахассис Хон Бобо иштирокидаги видеоларни ўрганиб чиқди. Улар қизиқ бир жиҳатни пайқашди. Эркак доим кенг, халатга ўхшаш кийим кийиб юради. Баъзи кадрларда унинг кўкрак ва елкаларидаги махсус қопламаларни кўриш мумкин. Бу мосламалар гавданинг юқори қисмини каттароқ кўрсатади. Шу билан бирга, улар катта қоринни ҳам яшириб туради. Шу сабабли унинг ҳақиқий гавда ўлчамлари номаълум.

Мутахассислар унинг 5 тонна юк кўтаргани ҳақидаги рекордини ҳам шубҳа остига олмоқда. Бундай натижа кўпроқ Марвел комиксларидаги тўқималарга ўхшайди. Ижтимоий тармоқ фойдаланувчилари бу эркакка оддий маслаҳат бермоқда: аввал озиш керак, шундан кейингина рингда ўз кучини синаб кўргани маъқул. Ўшанда унинг спортчи сифатида аслида нимага қодир экани маълум бўлади.

Хон Бобо ўз шуҳратидан баҳраманд бўлаётган бир пайтда, Индонезияда бошқа бир ҳолат кузатилган. У ерда 10 ёшли бола яшайди. Унинг вазни 192 килограммни ташкил этади. Бола ортиқча вазндан азият чекади. У учун катта вазн ғурур эмас, балки саломатлик билан боғлиқ жиддий муаммога айланган. Бу воқеа ортиқча килограммлар ҳар доим ҳам куч ва спортга интилиш билан эмас, балки кўпроқ ноқулайлик ва тана фаолиятининг бузилиши билан боғлиқ эканини эслатади.