«Песиямга уйимни иситишга қурбим етмайди»
Тереза Губертнинг айтишича, иситиш тизими "жуда қиммат" ва у пенсияси билан кун кечиришга қийналаётган эди.
**«Нафақамга уйимни иситишга қурбим етмайди»**
Тереза Губерт иситиш шунчалик қимматлашиб кетганидан, бу қишда уйини иситишга қурби етмаслигини айтди.
Баъзи пенсионерларнинг айтишича, бу қишда уйларини иситишга қурби етмагани сабабли улар вақтли ўринга ётишмоқда, қабат-қабат кийиниб олишмоқда ва иссиқ сувли грелкалардан фойдаланишмоқда.
Электр ва суюқ ёқилғи (мазут) билан иситиладиган тизимдан фойдаланувчи гернсилик Тереза Губерт шундай деди: «Иситишни имкон қадар узоқроқ ёқмасликка ҳаракат қиляпман, чунки бу жуда қимматлашиб кетди ва нафақамга [уйни иситишга] шунчаки қурбим етмайди».
Штатлар даромад даражаси ҳисобга олинадиган қишки ёқилғи нафақасини 19 фоизга ошириб, ҳафтасига 50,48 фунт стерлингга етказишни таклиф қилди. Бу масала ноябрь ойида муҳокама қилинади.
Бандлик ва ижтимоий ҳимоя президенти Тина Бьюри шундай деди: «Ёқилғи нафақаси умумий ёндашувдир ва табиийки, бу соҳада ҳар кимнинг эҳтиёжлари ҳар хил».
Ушбу нафақани оладиган мисс Губерт шундай деди: «Дарвоқе, бунинг дастлабки 70 фунти абонент тўловига кетади, шунинг учун сиз ойига бор-yoғи 100... 100 фунтдан сал кўпроқ оласиз, холос, бу эса ҳозирги вақтда ҳеч нарса эмас».
«Устимга кўрпаларни ёпиб оламан, агар жуда совқотиб кетсам, ётоқхонага чиқаман, биласизми, у ерда ҳам кўпроқ кўрпа ёпиниб оламан. Ягона ечим шу».
Турмуш ўртоғи билан яшайдиган орол турғуни Катина Жонс иситишни ёқишдан олдин имкон қадар узоқроқ кутишганини айтди.
«Чой дамлаганимдан кейин, иссиқ сувнинг ортганини ўзимизни иситиш учун грелкага соламан».
Оролдаги 55 ёшдан ошганлар учун мўлжалланган турар жой мажмуасида яшовчи Шейла Корнелиус шундай деди: «Бу жуда ёмон, чунки мен совқотиб ўтиришни ёқтирмайман, шунинг учун, албатта, ҳамма пулимнинг аксарияти шунга кетади.
Бахтимга, иситишни тўлиқ ёқиш ўрнига кийиб олишим мумкин бўлган яхши, қалин кийимларим бор, биласизми, [иситишга] қурбим етмайди».
Guernsey Electricity вакили Гарет Уордингхэм шундай деди: «Бу йил абонент тўлови бор-yoғи 3 фоизга ошди, шунинг учун бу ўсишнинг катта қисмини ташкил этмагани аниқ.
Биз электр энергиясини халқаро бозорларда бир неча йил олдин сотиб оламиз, бу эса биз тўлайдиган ёки мижозларимиз тўлайдиган нархни барқарорлаштиради.
Биз кичик мижозлар ва шунингдек, бир хилда ёрдамга муҳтож бўлиши мумкин бўлган йирик мижозлар, масалан, фарзандли оилалар ўртасида мувозанатни сақлашимиз керак, уларда ҳам пул танқислиги бўлиши мумкин».
Rubis Channel Islands ёқилғи етказиб бериш компаниясининг маркетинг бўлими раҳбари Ник Кролла шундай деди: «Август ойидан бери нархлар 30 фоизгача ошганини кўрдик.
Биз беқарор халқаро бозордан ҳимояланмаганимизни наиноят кўриб турибмиз.
Агар мижозлар суюқ иситиш ёқилғиси нархидан хавотирда бўлишса, энг яхшиси келиб биз билан гаплашишсин, бизда мижозга ёқилғи нархларининг беқарорлигини енгиллаштиришга ёрдам берадиган тўлов вариантлари бор».
Бьюрининг айтишича, агар қишда иситиш ёқилғиси нархи кескин кўтарилиб кетса, қўмита бунга жавоб қайтариши мумкин.
«Агар қаҳратон қишга йўлиқсак ва, масалан, ёқилғи харажатлари кескин ошиб кетса, бизда бунга муносабат билдириш имконияти мавжуд», дея қўшимча қилди у.