Папа Лев ўпкасида ўсимта аниқланганидан кейин операция қилинади

Папа Лев ўпкасида шиш аниқланганидан кейин операция қилинади

Папа Лев XIV тиббий кўрикдан ўтиш чоғида ўпкасида тугунча аниқланганидан сўнг «яқин кунларда» операция қилинишини айтди.

«Шифокорлар ўпкамда эрта босқичдаги, яхши маҳаллийлашган тугунчани аниқладилар», — деди у Римдаги Муқаддас Пётр майдонида ҳар ҳафталик якшанба намози пайтида жамоатчиликка.

71 ёшли понтифик унинг тиббий гуруҳи «жарроҳлик аралашуви тўғри бўлади деб ҳисоблашини» ва у операцияга рози бўлганини айтди.

Папа Лев зиёратчиларни бу ўсимта «яхши чегараланган» ва «эрта босқичда» аниқланганига ишонтирди.

У ўз Ангелус ибодатини ҳаммага «руҳий яқинликлари» учун миннатдорчилик билдириш билан якунлади ва ўзини уларнинг дуоларига топширишини айтди.

Муқаддас Тахт Матбуот хизмати возизи Маттео Бруни ОАВга «операция келаси ҳафтанинг биринчи кунларига мўлжалланганини» маълум қилди.

Бруни, шунингдек, Папа соғайиб кетиши учун тахминан бир ҳафта керак бўлиши кутилаётганини қўшимча қилди.

Роберт Фрэнсис Провост исми билан туғилган Папа Лев 2025 йилда Папа Францискнинг ўрнини эгаллаган эди. У Муқаддас Пётр тахтининг 267-соҳиби ва биринчи америкаликдир.

У 1982 йилда руҳонийликка тайинланган ва кўп йиллар давомида Перуда миссионер бўлиб хизмат қилган, у ерда жамиятдан четлатилган жамоалар билан ишлаган ва ўзаро алоқаларни ўрнатишга ёрдам берган инсон сифатида ёдда қолган.