Ўзбекистон «Туронбанк», Халқаро бизнес маркази, «Ўзэкспомарказ» ва бошқа объектларни сотувга қўяди
Ўзбекистонда хусусийлаштириладиган йирик давлат активларининг янги рўйхати тасдиқланди. «Туронбанк» акцияларининг 98,9 фоизини, «Ўзэкспомарказ»нинг 91 фоиздан ортиғини, Халқаро бизнес марказининг қарийб 80 фоизини, шунингдек, саноат, транспорт ва савдо корхоналаридаги улушларни сотиш режалаштирилган.
Ўзбекистон «Туронбанк», Халқаро ҳамкорлик маркази, «Ўзэкспомарказ» ва бошқа объектларни сотувга чиқармоқчи
Ўзбекистон бир қатор йирик компаниялардаги давлат акциялари ва улушлари пакетларини сотишни режалаштирмоқда. Тегишли рўйхат Президентнинг 28 августдаги иқтисодиётда давлат иштирокини қисқартириш тўғрисидаги фармони билан тасдиқланган.
Ҳужжатга кўра, «Туронбанк» акцияларининг 98,9 фоизини оммавий савдоларга чиқариш режалаштирилган. Банкни хусусийлаштиришга тайёрлаш Иқтисодиёт ва молия вазирлигига банкнинг хусусийлаштиришга тайёрлик даражасини ҳисобга олган ҳолда ва халқаро консультантлар хулосалари асосида топширилди.
Шунингдек, «Xalq Sug‘urta» суғурта компаниясини ҳам тўлиқ хусусийлаштириш режалаштирилган — давлат ушбу компания капиталининг 100 фоизига эгалик қилади.
Транспорт соҳасида Тошкент йўловчи вагонларини қуриш ва таъмирлаш заводининг 90 фоиз улуши ҳамда «Ўзбекистон темир йўллари» тизимига кирувчи Андижон механика заводининг 100 фоиз улуши сотувга чиқарилади.
Бундан ташқари, қуйидагиларни сотиш кўзда тутилган:
Халқаро ҳамкорлик маркази ва «Ўзэкспомарказ» учун алоҳида шартлар белгиланган. Уларни хусусийлаштириш Президент Администрацияси билан келишилган концепциялар ва сотиш шартлари асосида амалга оширилиши керак.
Рўйхатга давлатнинг «Трастбанк»даги улуши ҳам киритилган, бироқ унинг ҳажми бор-йўғи 0,001 фоизни ташкил этади. Ушбу пакетни қийматини алоҳида баҳоламасдан, биржа котировкаси бўйича сотишга рухсат берилган.
Хусусийлаштириш йўл соҳасига ҳам дахл қилади. Давлат «Avtomagistral» унитар корхонасидаги, шунингдек, автомобиль йўлларини қуриш, фойдаланиш ва сақлаш бўйича бир қатор ҳудудий корхоналардаги акциялар ва улушлар пакетларини сотиш ниятида.
Рўйхатдан кўплаб савдо объектлари ҳам жой олган. Наманган, Самарқанд, Сурхондарё, Тошкент ва Фарғона вилоятларидаги деҳқон бозорлари ва савдо мажмуаларидаги давлат улушларини сотиш режалаштирилган. Уларнинг аксариятида назорат пакетлари давлатга тегишли.