Ўзбекистон Туркиядаги саммитда ўзининг инвестиция салоҳиятини тақдим этди
О&лсқуо;збекистон элчихонаси дипломатлари Туркиянинг Кастамону шаҳрида бо&лсқуо;либ о&лсқуо;тган &лдқуо;Г&лсқуо;арбий Қораденгиз&рдқуо; халқаро иқтисодий саммитида иштирок этди, деб хабар бермоқда &лдқуо;Дунё&рдқуо; АА мухбири.
Ўзбекистон Туркиядаги саммитда сармоявий имкониятларини намойиш этди
Тошкент, Ўзбекистон (UzDaily.uz) — “Дунё” АА мухбирининг хабар беришича, Ўзбекистон элчихонаси дипломатлари Туркияда бўлиб ўтган “Ғарбий Қораденгиз” халқаро иқтисодий саммитида иштирок этди. Саммит Туркиянинг Кастамону шаҳрида ташкил этилди.
Туркиянинг “УЛУСКОН” савдо уюшмаси ва Кастамону Савдо-саноат палатаси (КАЦО) томонидан ташкил этилган ушбу тадбирда Ўзбекистоннинг савдо-иқтисодий ва инвестиция салоҳияти, шунингдек, мамлакатда амалга оширилаётган иқтисодий ислоҳотлар ҳақида маълумот берилди. Тадбирда хорижий инвесторлар учун яратилган қулай шарт-шароитлар ва қўшма лойиҳаларни амалга ошириш имкониятлари ҳам таъкидланди.
Кастамону вилояти Савдо-саноат палатаси раҳбарияти билан музокаралар чоғида мебел, эшиклар ва ёғоч маҳсулотлари ишлаб чиқариш соҳасида саноат кооперациясини ривожлантириш масалалари муҳокама қилинди. Томонлар ярим тайёр маҳсулотлар ишлаб чиқаришни йўлга қўйиш ва икки мамлакат корхоналари ўртасида тўғридан-тўғри алоқаларни кенгайтириш масалаларини кўриб чиқдилар. Шунингдек, Туркиянинг “Гüлсан Мобиля”, “Дортек” ва “Зинтаş” компаниялари билан ишбилармонлик алоқалари ўрнатилди.
Ташриф доирасида элчихона вакиллари “Мискос” компаниясининг ишлаб чиқариш фаолияти билан танишдилар. Туркия томони Ўзбекистон бозорига кириш, ўз маҳсулотларини республиканинг йирик савдо тармоқлари орқали илгари суриш ва маҳаллий ҳамкорлар билан тўғридан-тўғри ҳамкорликни йўлга қўйишдан манфаатдор эканлигини билдирди.
“Ф-Истанбул” халқаро озиқ-овқат кўргазмаси доирасида Ўзбекистон савдо компаниялари вакиллари билан Б2Б форматида учрашувлар ташкил этиш истиқболлари кўриб чиқилди.
Кастамону вилояти губернатори Ҳасан Балтажи билан учрашувда ҳудудлараро ҳамкорлик масалаларига алоҳида эътибор қаратилди. Томонлар саноат кооперациясини, хусусан, мебел, эшиклар ва ёғоч маҳсулотлари ишлаб чиқариш соҳаларида, шунингдек, таълим, тоғ, соғломлаштириш ва спорт туризми йўналишларида ҳамкорликни ривожлантириш истиқболлари ҳақида фикр алмашдилар.
Музокаралар якунида ишбилармонлар делегацияси ташрифни ташкил этиш, тадбиркорлар ўртасида тўғридан-тўғри алоқаларни кенгайтириш ва шериклик муносабатларини йўлга қўйишга келишиб олдилар.