Ўзбекистон мудофаа вазири ишдан кетди
Шуҳрат Холмуҳамедов Ўзбекистон мудофаа вазири лавозимини тарк этди. Унинг ўрнини ички ишлар вазири биринчи ўринбосари Ботир Қудратхўжаев эгаллади.
Ўзбекистон мудофаа вазири лавозимидан озод қилинди
Ўзбекистон мудофаа вазири Шуҳрат Ғайратжонович Холмуҳамедов ўз вазифасидан бўшатилди. У ушбу лавозимда 2024-йил ноябридан бери фаолият юритиб келаётган эди.
Ботир Баҳромович Қудратхўжаев янги мудофаа вазири сифатида иш бошламоқда. Унинг номзоди Олий Мажлис Қонунчилик палатаси депутатлари томонидан маъқулланди.
Ботир Қудратхўжаев 1975-йилда туғилган, 1997-йилда Тошкент давлат юридик институтини тамомлаган.
У меҳнат фаолиятини ҳарбий прокуратурада бошлаган, турли йилларда Тошкент вилояти ҳарбий прокурори, Шарқий ҳарбий округ ҳарбий прокурори, Ўзбекистон ҳарбий прокурорининг биринчи ўринбосари лавозимларида ишлаган.
Кейинчалик Сурхондарё вилояти прокурори (2014-2016), Тошкент шаҳри прокурори (2016-2017), Бош прокуратура ҳузуридаги Мажбурий ижро бюроси директори (2017-2020), Хоразм вилояти прокурори (2020-2022), Бош прокурорнинг биринчи ўринбосари – ҳарбий прокурор (2022-2025) сифатида фаолият олиб борган. 2025-йил февралидан Фавқулодда вазиятлар вазирлигига раҳбарлик қилган ва генерал-маёр унвонини олган, 2026-йил январида эса Ички ишлар вазирининг биринчи ўринбосари – Тезкор қидирув департаменти бошлиғи лавозимига тайинланганди.