ЎзЛиДеП ташаббуси билан энг чекка маҳаллалардан янги тадбиркорлар кашф этилмоқда
Хоразмда “Халқ билан бирга” умуммиллий дастури доирасида “Ишбилармон аёл” танловининг ҳудудий республика босқичи ўтказилди. Ўзбекистон
ЎзЛиДеП ташаббуси билан энг чекка маҳаллалардан янги тадбиркорлар аниқланмоқда
Хоразмда “Халқ билан бирга” умуммиллий дастури доирасида “Ишбилармон аёл” танловининг ҳудудий республика босқичи бўлиб ўтди. Ўзбекистон Либерал-демократик партияси ташаббуси билан ташкил этилган ушбу танлов вилоятнинг 500 дан ортиқ маҳалласи ва тадбиркорлик субьектини қамраб олди.
Саралаш босқичларида 3054 нафардан зиёд тадбиркор хотин-қиз қатнашди. Улар орасидан 13 нафар энг истиқболли ишбилармон аёл вилоят босқичида ўз бизнес лойиҳалари ва фаолиятини намойиш этди.
Танловнинг муҳим жиҳати — тадбиркорларни фақат йирик шаҳарлардан эмас, балки маҳаллалардан ҳам излашга алоҳида эътибор қаратилгани бўлди. Янги иш ўринлари яратаётган, маҳаллий маҳсулот ишлаб чиқараётган, экспорт қилаётган ёки қишлоқ хўжалигида янги ёндашувларни қўллаётган аёллар саралаш жараёнида аниқланган.
Вилоят босқичида Хива шаҳридаги “Кҳива Плаза” МЧЖ раҳбари Лола Мирзаева биринчи ўринни эгаллади. Корхонада 150 нафар ходим фаолият юритади. Иккинчи ўрин “Шовот-Қумтепа” фермер хўжалиги раҳбари Ойчеҳра Тоҳировага насиб этди. Хўжаликда шифобахш гиёҳлар етиштирилмоқда.
Учинчи ўринни “Маржона текстил” МЧЖ раҳбари Дилафрўз Бекжанова қўлга киритди. Корхонада 70 нафар хотин-қиз доимий иш билан таъминланган. 2025 йилда корхона Россияга 200 минг долларлик болалар кийимлари экспорт қилган.
Хоразмдаги 3054 нафар иштирокчи эса маҳаллаларда тадбиркорлик салоҳияти қанчалик кенг эканини намоён этмоқда.