Озиқ-овқат хавфсизлигидан киберфирибгарликка қарши курашишгача: Мирзиёев МДҲнинг устувор йўналишларини белгилаб берди
Ўзбекистон Президенти Шавкат Мирзиёев 9 октябрь куни Туркманистоннинг «Аваза» туристик зонасида бўлиб ўтган МДҲ Давлат раҳбарлари кенгаши йиғилишида нутқ сўзлаб, Ҳамдўстлик мамлакатлари ўртасидаги келгуси ҳамкорликнинг асосий йўналишларини белгилаб берди. Давлат раҳбари иқтисодий алоқаларни мустаҳкамлаш ҳамда оддий товар айирбошлашдан қўшма ишлаб чиқариш ва қўшилган қиймат занжирларини яратишга ўтиш зарурлигини таъкидлади. Устувор йўналишлар қаторида у қуйидагиларни алоҳида қайд этди: Савдо ва инвестициялар — техник тўсиқларни бартараф этиш […]
Озиқ-овқат хавфсизлигидан тортиб киберфирибгарликка қарши курашишгача: Мирзиёев МДҲнинг устувор йўналишларини белгилаб берди
Ўзбекистон Президенти Шавкат Мирзиёев 9 октябрь куни Туркманистоннинг «Аваза» туристик зонасида бўлиб ўтган МДҲ Давлат раҳбарлари кенгаши йиғилишида сўзга чиқиб, Ҳамдўстлик мамлакатлари ўртасидаги келгуси ҳамкорликнинг асосий йўналишларини белгилаб берди.
Давлат раҳбари иқтисодий алоқаларни мустаҳкамлаш ҳамда оддий товар айирбошлашдан қўшма ишлаб чиқариш ва қўшилган қиймат занжирларини шакллантиришга ўтиш муҳимлигини таъкидлади.
Устувор йўналишлар қаторида у қуйидагиларни тилга олди:
Савдо ва инвестициялар — техник тўсиқларни бартараф этиш, сертификатларни ўзаро тан олиш ва давлат харидларидан фойдаланиш имкониятларини кенгайтириш.
Озиқ-овқат хавфсизлиги — қўшма дастурларни мувофиқлаштириш ҳамда озиқ-овқат ва ўғитлар экспортига чекловлар жорий этишдан олдин дастлабки маслаҳатлашувлар механизмини яратиш.
Саноат ва транспорт — махсус иқтисодий зоналарни ривожлантириш, интеграциялашган логистика марказларини ташкил этиш, транзит харажатларини камайтириш ва юк ташиш қоидаларини унификация қилиш.
Энергетика ва экология — энергия истеъмолининг узоқ муддатли прогнозини ҳамда МДҲнинг ресурс тежамкор ва циркуляр иқтисодиёт соҳасидаги ҳамкорлик концепциясини ишлаб чиқиш.
Маданият ва креатив индустриялар — гуманитар ҳамкорликни кенгайтириш ва «Маданий сиёсат ва креатив индустриялар» форумини ўтказиш.
Киберхавфсизлик — трансчегаравий кибержиноятлар ва фирибгарлик схемаларига тезкор чора кўриш учун МДҲнинг қўшма алоқа марказини ташкил этиш.
Мирзиёев, шунингдек, Ўзбекистон келаси йили МДҲга раисликни қабул қилишга тайёрлигини маълум қилди.
Йиғилиш Туркманистон Президенти Сердар Бердимуҳамедов раислигида ўтди ва Ҳамдўстликнинг 35 йиллигига бағишланди.