Ўзбекистонликларнинг Мисрга кириши бўйича янги талаблар жорий этилмоқда
1-ноябрдан ўзбекистонликлар Мисрга фақат олдиндан олинган виза ва туроператор орқали кириши мумкин. 40 ёшгача бўлганлар оиласи ва $5000 нақд пул билан, 40 ёшдан ошганлар эса камида $3000 маблағ билан сафар қилиши шарт. Мисрда бўлиш давомида туристик визани бошқа турдаги визага алмаштириб бўлмайди.
**Ўзбекистон фуқароларининг Мисрга кириши бўйича янги талаблар жорий этилмоқда**
1-ноябрдан бошлаб Ўзбекистон фуқароларининг Мисрга кириши учун янгиланган тартиб кучга киради, дея хабар бермоқда мамлакатнинг Мисрдаги элчихонаси.
Маълум қилинишича, Ўзбекистон фуқаролари Мисрга йўл олишдан аввал кириш визасини Мисрнинг дипломатик ваколатхоналари орқали олдиндан расмийлаштиришлари керак.
Шунингдек, туристик сафарлар фақат ваколатли туроператорлар орқали ташкил этилади.
40 ёшгача бўлган сайёҳлар эса Мисрга фақат яқин оила аъзолари — ота-она, эр-хотин ёки фарзандлари — ҳамроҳлигида бориши мумкин. Бунда оила сафар давомида камида 5000 доллар миқдорида нақд маблағга эга бўлиши шарт, дейилади хабарда.
40 ёшдан катта мустақил саёҳатчилар эса камида 3000 доллар миқдорида нақд пул маблағига эга бўлишлари лозим.
Мисрга киришда қуйидаги ҳужжат ва маълумотлар тақдим этилиши мажбурий:
Миср ҳудудида бўлиш вақтида туристик визани бошқа турдаги визага алмаштириш бўйича мурожаатлар қабул қилинмайди.
Керакли ҳужжатларни тўлиқ тақдим этмаган шахслар мамлакатга киритилмаслиги ва уларни олиб келган авиакомпания орқали қайтарилиши мумкин.
Ўзбекистоннинг Қоҳирадаги элчихонаси фуқаролардан Мисрга сафарларни режалаштиришда ушбу маълумотларни инобатга олишни сўради.