Ўзбекистонликлар энг кўп Қирғизистон ва Қозоғистонга сафар қилмоқда
8 ойда 5 млн нафардан ортиқ Ўзбекистон фуқароси хорижга туристик мақсадда борган
Ўзбекистон фуқаролари энг кўп Қирғизистон ва Қозоғистонга йўл олмоқда
2026-йил январ–август ойларида 5,3 млн нафар Ўзбекистон фуқароси туристик мақсадларда хорижга чиққан.
Бу кўрсаткич 2025-йилнинг шу даврига нисбатан 109,9 минг нафарга юқори. Хорижга сафарларда қўшни давлатлар асосий йўналиш бўлиб қолмоқда.
Энг кўп Ўзбекистон фуқароси Қирғизистонга борган — 2 млн 427 минг 526 нафар. Қозоғистонга 955 минг 829 нафар, Тожикистонга 876 минг 650 нафар фуқаро сафар қилган.
Россия Ўзбекистон фуқаролари энг кўп борган давлатлар орасида тўртинчи ўринни эгаллаган. Бу мамлакатга 257 минг 567 нафар фуқаро туристик мақсадда борган.
Туркияга 212 минг 265 нафар, Саудия Арабистонига 184 минг 155 нафар Ўзбекистон фуқароси сафар қилган. Шу тариқа, ушбу икки давлатга борганлар сони ҳам 100 минг нафардан ошган.
Бирлашган Араб Амирликларига 56 минг 910 нафар, Хитойга 52 минг 43 нафар фуқаро борган. Миср ва Ветнам ҳам ўнликдан жой олган.
Шундай қилиб, 2026 йилнинг 8 ойида Ўзбекистонликлар энг кўп борган ТОП-10 давлат орасида Қирғизистон, Қозоғистон, Тожикистон, Россия ва Туркия биринчи бешликни ташкил этган.