Ўзбекистонликлар 8 ойда таълим олишга 30,7 трлн сўм сарфлади
Мамлакатда таълим хизматларига қайси ҳудудларда энг кўп маблағ сарфлангани маълум қилинди
Ўзбекистонликлар 8 ойда таълим олишга 30,7 трлн сўм сарфлади
2026-йилнинг январ–июл ойларида мамлакатда таълим соҳаси бўйича 30,7 трлн сўмлик хизматлар кўрсатилди. Бу кўрсаткич 2025-йилнинг шу даврига нисбатан 19,4 фоизга юқори.
Ҳудудлар кесимида энг катта ҳажм Тошкент шаҳри ҳиссасига тўғри келган. Пойтахтда таълим хизматлари 16,7 трлн сўмни ташкил этган.
Самарқанд вилоятида таълим хизматлари ҳажми 2 трлн сўмга етган. Фарғона вилоятида бу кўрсаткич 1,9 трлн сўм бўлган.
Наманган вилоятида 1,5 трлн сўм, Андижон вилоятида 1,4 трлн сўм, Тошкент ва Бухоро вилоятларининг ҳар бирида 1,3 трлн сўмлик таълим хизматлари кўрсатилган.
Қашқадарё вилоятида хизматлар ҳажми 1,1 трлн сўм, Қорақалпоғистон Республикасида 851,7 млрд сўм, Сурхондарё вилоятида 800,7 млрд сўмни ташкил этган.
Хоразм вилоятида таълим хизматлари 786,2 млрд сўм, Навоий вилоятида 480,6 млрд сўм бўлган. Жиззах вилоятида 406,5 млрд сўмлик, Сирдарё вилоятида эса 299,1 млрд сўмлик таълим хизматлари кўрсатилган.