Ўзбекистонда халқаро курерлик жўнатмалари учун божхона йиғими ставкаси 20 фоизга пасайтирилади
Ўзбекистонда 1-ноябрдан халқаро курерлик жўнатмаларини божхона расмийлаштирувидан ўтказганлик учун амалдаги божхона йиғими ставкаси 20 фоизга пасайтирилади. Ҳозирда бу миқдор 1 кг учун БҲМ 2 фоизи — 8800 сўмга тенг, 1-ноябрдан 7 040 сўм/кг бўлади.
Ўзбекистонда халқаро курерлик жўнатмалари учун божхона йиғими 20 фоизга камайтирилади
Ўзбекистонда 2026-йил 1-ноябрдан халқаро курерлик жўнатмаларини божхона расмийлаштирувидан ўтказиш учун амалдаги божхона йиғими ставкаси 20 фоизга пасайтирилади. Бу ҳақда Ўзбекистон президентининг “Транспорт-логистика тизимини ривожлантиришга доир қўшимча чора-тадбирлар тўғрисида”ги қарори [ПҚ-368-сон] қабул қилинди.
Ҳозирда халқаро курерлик жўнатмаларини божхона расмийлаштирувидан ўтказганлик учун амалдаги божхона йиғими ставкаси 1 кг брутто вазн учун Базавий ҳисоблаш миқдорининг (БҲМ) 2 фоизини ташкил этади.
2026-йил 1-сентабрдан БҲМ 440 000 сўм этиб белгилангани сабабли, бу миқдор 1 кг учун 8800 сўмга тенг.
2026-йил 1-ноябрдан ставка 20 фоизга пасайтирилгач, йиғим миқдори 1 кг учун БҲМнинг 1,6 фоизига, яъни жорий БҲМ бўйича 7 040 сўм/кг га тушади.
Аввалроқ 2027-йил 1-январдан жисмоний шахслар томонидан божсиз олиб кириш меъёрларидан ортиқча олиб кириладиган товарлар учун ягона божхона тўлови ставкаси 30 фоиздан 20 фоизга туширилганди.
Масалан, агар шахс Ўзбекистонга учиб келиб, қиймати 1300 долларлик иПҳоне олиб кирса, авиайўловчи учун божсиз лимит 1000 долларни ташкил этади. Божхона тўловлари ортиқча суммага — ушбу ҳолатда 300 долларга ҳисобланади.
Ҳозирда 30 фоизлик ставкада ягона божхона тўлови 90 долларни ташкил этган бўларди: $300×30% = $90.
2027-йил 1-январдан бошлаб 20 фоизлик ставкада ўша телефон учун 60 доллар тўлаш керак бўлади: $300×20% = $60.
Эслатиб ўтамиз, 2025-йил 1-майдан ҳукумат жисмоний шахслар томонидан товарларни божсиз олиб кириш меъёрларини кучайтирган эди.
Бундан ташқари, жисмоний шахс номига халқаро курерлик жўнатмаларида келадиган товарлар учун меъёр чоракда 1000 доллардан ойига 200 долларгача қисқартирилган эди.
20-июлдан бошлаб фуқаролар божсиз лимитдан фойдаланиш учун, агар пиёда ёки автомобилда қайтаётган бўлсалар — камида 2 кун, самолётда қайтаётган бўлсалар — камида 3 кун чет элда бўлишлари керак.
Ҳукумат, шунингдек, шахсий фойдаланиш учун биологик фаол қўшимчалар (БФҚ) олиб киришга лимитлар жорий этганди.
Тамаки ва парфюмерия маҳсулотлари учун божсиз чегара ҳам қайта кўриб чиқилди.
Бундан ташқари, янги мобил қурилма олиб кирилганда (ҳатто шахсий фойдаланиш учун бўлса ҳам) йўловчилар божхона декларациясини тўлдиришлари шарт қилиб қўйилганди (телефон қийматидан қатъи назар), акс ҳолда уни УзИМЕИ тизимида рўйхатдан ўтказишда бож (тўлиқ қийматнинг 30 фоизи, энди 20 фоизи) тўлашга тўғри келади.