Ўзбекистонда семизлик ва 2-турдаги қандли диабетни даволашга мўлжалланган Сежаро® препарати давлат рўйхатидан ўтказилди
ГЕРОПҲАРМ компанияси Ўзбекистон Республикасида семизлик ва 2-турдаги қандли диабетни даволаш учун мўлжалланган инновацион Сежаро® препарати
Ўзбекистонда семизлик ва 2-турдаги қандли диабетни даволаш учун мўлжалланган Сежаро® препарати давлат рўйхатидан ўтказилди.
ГЕРОПҲАРМ компанияси Ўзбекистон Республикасида семизлик ва 2-турдаги қандли диабетни даволашга қаратилган инновацион Сежаро® препарати (ХПН — тирзепатид) учун давлат рўйхатидан ўтказилганлик гувоҳномасини қўлга киритди. Ушбу препарат Американинг Эли Лиллй компанияси томонидан ишлаб чиқарилган ва 2025 йилда дунёда энг кўп сотилган дори воситасига айланган оригинал "Моунжаро" препаратига тўлиқ биоеквивалентдир.
Давлат рўйхатидан ўтказилганлик гувоҳномасининг олиниши Сежаро® препаратини Ўзбекистон бозорига олиб киришга ва беморлар учун тирзепатид асосидаги семизлик ҳамда 2-турдаги қандли диабетни замонавий даволаш усулларидан фойдаланиш имкониятларини кенгайтиришга йўл очади.
Сежаро® препаратининг фаол моддаси — тирзепатид — икки асосий инкретин гормони рецепторларини фаоллаштиради. Бу очлик ҳиссини камайтиради, юқори калорияли озиқ-овқатга бўлган иштиёқни пасайтиради, тана вазнининг камайишига, виссерал ёғ тўқимаси ҳажмининг қисқаришига ва бел айланасининг кичрайишига ёрдам беради.
Тиббиёт мутахассислари тирзепатиднинг виссерал ёғ тўқимасига таъсирига алоҳида эътибор қаратмоқда. Виссерал ёғ организм учун энг хавфли ёғ турларидан бири бўлиб, ички аъзолар атрофида тўпланади ва 2-турдаги қандли диабет, артериал гипертензия ҳамда юрак-қон томир касалликлари ривожланиш хавфини оширади.
Халқаро клиник тадқиқотлар натижаларига кўра, тирзепатидни қўллаш қандли диабет касаллиги бўлмаган беморларда 72 ҳафта давомида тана вазнининг 22,5% гача камайишига ва бел айланасининг ўртача 14,6 см га кичрайишига олиб келган.
Ўзбекистонда семизликнинг кенг тарқалганлигини ҳисобга олсак, Сежаро® препаратининг давлат рўйхатидан ўтказилиши айниқса долзарбдир. Жаҳон соғлиқни сақлаш ташкилоти ва Ўзбекистон Республикаси Санитария-эпидемиологик осойишталик ва жамоат саломатлиги қўмитаси маълумотларига кўра, мамлакат катта ёшли аҳолисининг 64% дан ортиғи ортиқча тана вазнига эга, ҳар бешинчи фуқаро эса семизликдан азият чекади. 1980 йилдан буён мамлакатда семизликнинг тарқалиш даражаси 36% га ошган бўлиб, бу минтақадаги энг юқори ўсиш кўрсаткичларидан биридир. Семизлик сурункали касаллик бўлиб, 2-турдаги қандли диабет, юрак-қон томир ва бошқа юқумли бўлмаган касалликлар ривожланиш хавфини сезиларли даражада оширади.
"Семизлик муаммоси глобал эпидемия даражасига етди ва замонавий соғлиқни сақлаш тизимининг асосий муаммоларидан бири бўлиб қолмоқда. Биз Сежаро® каби замонавий биотехнологик ечимлар беморлар учун самарали даволаш имкониятларини кенгайтириш, уларнинг саломатлиги ва ҳаёт сифатини яхшилашга ёрдам беришига, шунингдек, шифокорлар учун семизлик ва 2-турдаги қандли диабетни даволашда муҳим воситага айланишига ишонамиз," — деди ГЕРОПҲАРМ компанияси бош директори Пётр Родионов.
Препарат тери остига юбориш учун мўлжалланган эритма билан тўлдирилган шприц-ручка шаклида ишлаб чиқарилади ва олти хил дозада тақдим этилади: 2,5 мг, 5 мг, 7,5 мг, 10 мг, 12,5 мг ва 15 мг. Препарат ҳафтада бир марта қўлланилади, дозани ошириш эса шифокор тавсиясига кўра босқичма-босқич амалга оширилади.
Сежаро® рецепт асосида бериладиган дори воситасидир. Даволашни белгилаш тўғрисидаги қарор фақат тиббиёт мутахассиси томонидан тасдиқланган кўрсатмалар ҳамда беморнинг индивидуал хусусиятларига мувофиқ қабул қилинади.
Сежаро® препаратининг рўйхатдан ўтказилиши ГЕРОПҲАРМ компаниясининг Ўзбекистондаги дори воситалари портфелини янада ривожлантириш йўлидаги муҳим қадамдир. Аввалроқ компания семаглутид асосидаги "Семавис" ва "Семавис Нехт" препаратларини бозорга чиқарган бўлиб, бугунги кунда улар ўз сегментида етакчи ўринларни эгаллайди. ИҚВИА маълумотларига кўра, 2025 йил апрелидан 2026 йил мартигача бўлган даврда ушбу препаратларнинг умумий қийматдаги улуши 55,8 фоизни ташкил этди. ФОМ Гроуп маълумотларига кўра, 2026 йил январ якунлари бўйича "Семавис" Ўзбекистонда дорихона савдолари бўйича етакчи ўнта рецепт асосида бериладиган дори воситалари қаторига кирди ва сотув ҳажми бўйича тўққизинчи ўринни эгаллади. Бу эса метаболик касалликларни даволаш учун мўлжалланган замонавий препаратларга бўлган юқори талабни тасдиқлайди.
***
ГЕРОПҲАРМ — ГхП стандартларига мувофиқ фаолият юритувчи биотехнологик препаратлар ишлаб чиқарувчи халқаро компания. Компания Ўзбекистон бозорида 20 йилдан ортиқ вақт давомида фаолият юритиб, мамлакат тиббиёт соҳаси вакиллари билан ҳамкорликни ривожлантириб келмоқда. ГЕРОПҲАРМ препаратлари эндокринология, неврология, офталмология, гинекология ва урология соҳаларида қўлланилади, компания препаратлари эса дунёнинг 15 та мамлакатида тақдим этилган.