Ўзбекистонда почта ва курерлик хизматлари ҳажми 4,2 трлн сўмга етди
Йилнинг биринчи ярмида почта ва курерлик хизматлари ҳажми 18,2 фоизга ошди. Пойтахт улуши бошқа ҳудудлардан
Ўзбекистонда почта ва курерлик хизматлари ҳажми 4,2 триллион сўмга етди. Миллий статистика қўмитаси маълумотларига кўра, 2026-йилнинг январ-июн ойларида мамлакатда кўрсатилган почта ва курерлик хизматларининг умумий қиймати 4,2 триллион сўмни ташкил этган.
Бу кўрсаткич ўтган йилнинг шу даврига нисбатан 18,2 фоизга ўсган. Хизматлар ҳажмининг энг катта улуши Тошкент шаҳрига тўғри келган. Пойтахтда олти ой давомида 2,3 триллион сўмлик почта ва курерлик хизматлари кўрсатилган. Бу натижа иккинчи ўриндаги Самарқанд вилояти кўрсаткичидан қарийб 5 баробар юқоридир.
Самарқанд вилоятида хизматлар ҳажми 462,2 миллиард сўмни, Фарғона вилоятида 300,6 миллиард сўмни, Тошкент вилоятида эса 289,9 миллиард сўмни ташкил этган. Қашқадарё вилоятида почта ва курерлик хизматлари ҳажми 260,4 миллиард сўмга етган бўлса, Андижон вилоятида бу кўрсаткич 167,3 миллиард сўмни ташкил этган.
Наманган вилоятида 112,1 миллиард сўм, Хоразм вилоятида 55,8 миллиард сўм, Сурхондарё вилоятида 54,3 миллиард сўмлик хизматлар кўрсатилган. Бухоро вилоятида хизматлар ҳажми 49,6 миллиард сўм, Қорақалпоғистон Республикасида 44,4 миллиард сўм, Сирдарё вилоятида эса 37,8 миллиард сўм бўлган.
Навоий вилоятида 33,5 миллиард сўм, Жиззах вилоятида эса 32,3 миллиард сўмлик почта ва курерлик хизматлари кўрсатилган.