Ўзбекистонда ОТМнинг аёл битирувчилари ишни тезроқ топяпти – БСИ
Битирувчилар сифати индекси (БСИ) маълумотларига кўра, аёл битирувчиларга иш топиш учун ўртача 2 ой, эркакларга
Ўзбекистонда ОТМни битирган аёллар ишга эркакларга қараганда тезроқ жойлашмоқда – БСИ
Ўзбекистонда олий таълим муассасаларини тамомлаган аёллар иш топишда эркаклардан олдинда. Бироқ даромад бўйича бунинг акси кузатилган.
Битирувчилар сифати индекси (БСИ) маълумотларига кўра, аёл битирувчиларга иш топиш учун ўртача 2 ой, эркакларга эса 3 ой вақт кетган.
Шу билан бирга, эркак битирувчиларнинг ўртача ойлик даромади 6 млн сўм, аёлларники эса 3,9 млн сўмни ташкил этган. Яъни эркакларнинг ўртача даромади аёлларникидан қарийб 54 фоиз юқори.
БСИ таҳлили 2024/2025 ўқув йилида 170 та олий таълим ташкилотини тамомлаган 249 432 нафар битирувчи маълумотларини қамраб олган. Унда ишга жойлашиш тезлиги билан бирга барқарор бандлик, расмий даромад ва бандлик шакли ҳам баҳоланган.
Ҳисоботда бундай кўрсаткичларни талқин қилишда олийгоҳ ихтисослашуви, ҳудудий меҳнат бозори, битирувчилар таркиби ва бошқа омилларни ҳам инобатга олиш зарурлиги қайд этилган.