Спорт
Ўзбекистонда ўтадиган жаҳон чемпионати-2027 саналари маълум қилинди
Унга кўра, ёшлар ўртасидаги мундиал 2027-йилнинг 17-сентябридан 9-октябрига қадар бўлиб ўтади
Ўзбекистонда бўлиб ўтадиган жаҳон чемпионати-2027 саналари эълон қилинди
2027-йилда Ўзбекистон ва Озарбайжон мезбонлигида ўтказиладиган ФИФА У-20 Жаҳон чемпионатининг саналари маълум бўлди. Бу ҳақда ЎФА маълум қилди.
Хабарга кўра, ёшлар ўртасидаги мундиал 2027-йил 17-сентябрдан 9-октябргача давом этади. Нуфузли мусобақада дунёнинг энг иқтидорли ёш футболчилари Жаҳон чемпионати йўлида баҳс олиб боради.
Маълумот учун, У-20 Жаҳон чемпионати ҳар икки йилда бир марта ўтказиладиган турнир ҳисобланади. Сўнгги мусобақа 2025-йил сентябр-октябр ойларида Чили майдонларида бўлиб ўтди. Унда Марокаш ёшлари ғолиб чиқди.