Ўзбекистонда об-ҳаво кескин ўзгариб, ёмғир ва чанг-тўзон кузатилиши кутилмоқда
3−5-октабр кунлари Ўзбекистонга совуқ ва нам ҳаво кириб келади. Ёмғир ёғиб, тоғларда қорга айланади, шамол 22 м/с гача кучаяди. Ҳарорат кундузи +15…+20, шимолда кечаси +2…+7 даражагача пасаяди. Айрим жойларда туман тушиши кутилмоқда.
Ўзбекистонда об-ҳаво кескин ўзгариб, ёмғир ва чанг-тўзонлар кузатилиши кутилмоқда.
3-октабр куни Ўзбекистоннинг шимолий ҳудудларига, 4−5-октабр кунлари эса республиканинг қолган ҳудудларига совуқ ва нам ҳаво массалари кириб келиши ҳақида огоҳлантирилмоқда.
Республика бўйича об-ҳаво кескин ўзгариши кутилади.
3−4-октабрда шимол ва чўл ҳудудларда, 4−5-октабрда эса республиканинг қолган ҳудудларида ёмғир ёғади, айрим жойларда кучли бўлади, баланд тоғларда эса қорга айланади.
Ҳаво ҳарорати аста-секин кундуз кунлари +15…+20 даражагача, кечалари +5…+10 даражагача, шимолда эса кундуз кунлари +12…+17 даражагача, кечалари +2…+7 даража илиққача пасаяди.
3−4-октабрда республика бўйича айрим жойларда шамол тезлиги 13−18 м/с гача кучайиши кутилмоқда, баъзи ҳудудларда эса вақти-вақти билан чанг-тўзонлар билан бирга 20−22 м/с гача етиши мумкин.
5−6-октабрда эса республиканинг айрим ҳудудларида туман тушиши кутилмоқда.