Ўзбекистонда инвестициялар ҳажми 584,2 трлн сўмга етди
2026-йилнинг дастлабки 9 ойида мамлакатга энг кўп инвестициялар қайси манбалар ҳисобидан ўзлаштирилгани маълум қилинди
Ўзбекистонда инвестициялар ҳажми 584,2 трлн сўмга етди
2026-йил январ–сентябр ойларида Ўзбекистонда барча молиялаштириш манбалари ҳисобидан асосий капиталга 584,2 трлн сўмлик инвестициялар ўзлаштирилди. Бу кўрсаткич 2025-йилнинг шу даврига нисбатан 20,1 фоизга юқори.
Энг йирик улуш хорижий инвестициялар ва кафолатланмаган хорижий кредитлар ҳиссасига тўғри келди. Ушбу манбалар ҳисобидан 371,7 трлн сўмлик инвестиция ўзлаштирилган бўлиб, бу умумий ҳажмнинг 63,6 фоизини ташкил этади.
Аҳоли маблағлари ҳисобидан 71,6 трлн сўм, корхоналар маблағлари ҳисобидан эса 67,8 трлн сўм инвестиция ўзлаштирилган. Уларнинг умумий ҳажмдаги улуши мос равишда 12,3 ва 11,6 фоизга тенг.
Ўзбекистон Республикаси кафолати остидаги хорижий кредитлар 36,3 трлн сўмни ташкил этган. Республика буджети ҳисобидан 25,4 трлн сўмлик инвестициялар молиялаштирилган.
Тижорат банклари кредитлари ва бошқа қарз маблағлари улуши 7,4 трлн сўмни ташкил этган. Шунингдек, Тикланиш ва тараққиёт жамғармаси маблағлари ҳисобидан 3,9 трлн сўмлик инвестициялар ўзлаштирилган.