Ўзбекистон Хитойдан авиа ёқилғи таъминотини йўлга қўйишни режалаштирмоқда
Ўзбекистон авиа ёқилғиси импортини диверсификация қилиш учун Хитойдан Жет А-1 ёқилғисини узоқ муддатли харид қилиш имкониятини кўриб чиқмоқда. Бу масала «Ўзбекнефтгаз» ва Хитой делегацияси учрашувида муҳокама қилинди.
Ўзбекистон Хитойдан авиа ёқилғи етказиб беришни йўлга қўйишни режалаштирмоқда. Бу ҳақда «Ўзбекнефтгаз» АЖ маълум қилди.
«Ўзбекнефтгаз» импортни диверсификация қилиш мақсадида Хитойдан Жет А-1 авиа ёқилғисининг узоқ муддатли таъминотини йўлга қўйиш ниятида.
14-август куни компания бошқаруви раиси Абдуғани Сангинов Хитойнинг Ўзбекистондаги элчиси Юй Сзюн бощилигидаги делегацияни қабул қилди.
Учрашувда икки мамлакат ўртасидаги ҳамкорлик, жумладан, нефт-газ соҳасида барқарор ривожланаётган стратегик қўшма инвестиция лойиҳалари ҳамда янги истиқболли йўналишлар муҳокама қилинди.
«Ўзбекнефтгаз» Хитойнинг СНПС, ССДС, БГП, Жереҳ, Ҳонгҳуа каби йирик компаниялари билан геология-қидирув, қудуқларни бурғилаш, хизматлар кўрсатиш ва замонавий технологияларни жорий этиш соҳасида бир қатор лойиҳаларни амалга оширмоқда.
Импортни диверсификация қилиш ва Ўзбекистонни авиа ёқилғи билан барқарор таъминлаш тизимини шакллантириш учун Хитойдан Жет А-1 авиа ёқилғисини узоқ муддатли етказиб бериш имконияти учрашувнинг асосий мавзуларидан бири бўлди.
Шу нуқтаи назардан, томонлар «Ўзбекнефтгаз»нинг Хитойнинг Чина Натионал Авиатион Фуел Гроуп (СНАФ) ва Синопес компаниялари билан бевосита ҳамкорлик ўрнатишига Хитойнинг Тошкентдаги элчихонаси кўмаклашиши имкониятини кўриб чиқдилар.
Музокаралар якунида томонлар энергетика соҳасида ҳамкорликни кенгайтириш ва янги инвестициявий ҳамда технологик лойиҳаларни амалга оширишга тайёр эканлигини билдирди.