Ўзбекистон венчур бозорида минтақани етакламоқда, аммо...
Ўзбекистон венчур фондлари капитали 30 миллион долларга ошди. Бу мамлакатда стартапларга инвестиция киритиш фаоллашиб бораётганини
Ўзбекистон венчур бозорида минтақада етакчилик қилмоқда, бироқ...
2026-йилнинг биринчи ярмида Ўзбекистон Россиядан ташқари МДҲ давлатлари орасида венчур битимлар сони бўйича биринчи ўринга чиқди. Мамлакатда 44 та битим тузилган бўлиб, минтақадаги умумий битимлар сони 58 тани ташкил этди. Бу Ўзбекистон улуши 76 фоизга етганини билдиради.
Шу даврда Ўзбекистондаги венчур фондлар капитали ҳам 30 миллион долларга кўпайди.
Ўзбекистон венчур бозорида бир нечта йирик фондлар фаол қатнашмоқда. Ёшлар Вентурес 13 та, Алоқа Вентурес 11 та, ИТ Парк Вентурес 10 та ва Имкон Вентурес 7 та битимда иштирок этган.
Битимларнинг катта қисми янги ташкил этилган ёки ривожланишнинг илк босқичидаги стартапларга тўғри келмоқда.
2026-йилнинг биринчи ярмида Россиядан ташқари МДҲ мамлакатларида учта М&А ёки эхит битими қайд этилди. Уларнинг барчаси Қозоғистон ҳиссасига тўғри келган.
Ўзбекистон битимлар сони бўйича минтақада аниқ етакчи бўлса-да, эхит жараёнларида ҳали сезиларли натижа кўрсата олмаяпти.
Мутахассислар фикрига кўра, Ўзбекистон венчур бозорининг кейинги вазифаси инвестиция ҳажмини ошириш билан бирга инвесторлар учун чиқиш имкониятларини кенгайтиришдан иборат.
М&А, ИПО ва аксияларни иккиламчи сотиш каби механизмларни ривожлантириш стартапларга киритилган капиталнинг қайта айланишига хизмат қилиши мумкин.