Ўзбекистон ва Хитой қурилиш соҳасидаги лойиҳаларни муҳокама қилди

**Ўзбекистон ва Хитой қурилиш йўналишидаги лойиҳаларни муҳокама қилди**

Ўзбекистонда қурилиш ҳамда уй-жой коммунал хўжалиги соҳаларида Хитой компаниялари билан ҳамкорлик истиқболлари кўриб чиқилди. Учрашувда иссиқлик таъминотини модернизация қилиш ва инвестиция лойиҳаларини амалга ошириш масалаларига ҳам алоҳида эътибор берилди.

Қурилиш ва уй-жой коммунал хўжалиги вазирлигида Чина Раилвай Префабрисатед Хинжианг Сонструстион Девелопмент Со., Лтд. ва Ҳенгканг Течнологй Кеня Со., Лтд. компаниялари делегацияси билан учрашув бўлиб ўтди.

Музокаралар чоғида томонлар ўзаро манфаатли ҳамкорликни кенгайтириш, замонавий технологияларни татбиқ этиш ҳамда қурилиш ва коммунал соҳаларда истиқболли лойиҳаларни амалга ошириш имкониятларини муҳокама қилди.

Йиғма ва индустриал қурилиш ечимларидан кенг фойдаланишга алоҳида урғу берилди. Шунингдек, экологик тоза қурилиш материалларидан фойдаланиш, пўлат конструксиялар ишлаб чиқариш ва ЭПС шартлари асосида комплекс лойиҳаларни амалга ошириш масалалари ҳам кўриб чиқилди.

Бундан ташқари, томонлар қурилиш ва коммунал инфратузилма соҳаларида ЭПС+Ф шартлари ҳамда давлат-хусусий шериклик асосида лойиҳаларни амалга ошириш истиқболларини муҳокама қилди.

Музокараларнинг алоҳида йўналиши Ўзбекистонда иссиқлик таъминоти тизимларини модернизация қилиш бўлди. Томонлар когенерация стансиялари ва замонавий иссиқлик марказларини қуриш, шунингдек, геотермал иссиқлик насослари технологияларини жорий этиш масалаларини муҳокама қилди.

Муҳокамалар якунида иссиқлик таъминоти соҳасидаги истиқболли лойиҳалар ҳақида маълумот алмашиш бўйича келишувга эришилди. Хитой компаниялари таклиф этилган лойиҳаларни ўрганиб, уларни молиялаштириш ва ҳамкорлик қилишнинг эҳтимолий шартлари бўйича таклифлар тайёрлайди.

Учрашув иштирокчилари йиғма қурилиш соҳасида қўлланиладиган Хитой стандартлари ва техник талабларни ўрганиш масалаларини ҳам кўриб чиқди.

Томонлар қурилиш жараёнлари самарадорлигини ошириш ва уларнинг атроф-муҳитга таъсирини камайтириш учун илғор технологияларни жорий этиш муҳимлигини таъкидлади.

Учрашув якунига кўра, томонлар ищи тартибда музокараларни давом эттириш ҳамда лойиҳа ва техник ҳужжатлар билан алмашишга келишиб олди.

Шунингдек, қурилиш, уй-жой коммунал инфратузилмаси ва иссиқлик таъминоти соҳаларида аниқ лойиҳаларни амалга ошириш учун самарали ҳамкорлик механизмларини ишлаб чиқиш режалаштирилмоқда.