Ўзбекистон Солиқ қўмитаси Британия ОТМлари билан келишувга эришди
Ўзбекистон Солиқ қўмитаси Британия ОТМлари билан солиқ соҳасида мутахассислар тайёрлаш ва янги таълим дастурларини жорий этишга келишди.
Ўзбекистон Солиқ қўмитаси Буюк Британиянинг олий ўқув юртлари билан солиқ тизими бўйича мутахассислар тайёрлаш ва таълим дастурларини такомиллаштириш юзасидан келишувларга эришди. Ушбу келишувлар қўмита вакилларининг Буюк Британияга амалга оширган иш ташрифининг биринчи кунида имзоланди.
Лондон Иқтисодиёт ва Сиёсат Фанлари Мактаби (ЛСЕ) билан Солиқ хизмати олий мактаби негизида "Яширин иқтисодиёт" йўналиши бўйича факултет очиш бўйича келишувга эришилди. Шунингдек, Ўзбекистондан 20 нафар мутахассис Буюк Британияда малака ошириш имкониятига эга бўлади.
Ҳамкорликнинг яна бир муҳим йўналиши Ҳулл Бизнес Мактаби билан боғлиқ. Британия мактаби билан ҳамкорликда яширин иқтисодиёт ва солиқ тизимини рақамлаштириш масалаларига бағишланган махсус ўқув курсларини ташкил этиш режалаштирилган.
Солиқ қўмитаси маълумотларига кўра, ушбу келишувлар илғор хорижий тажрибани ўрганиш ва уни кейинчалик миллий амалиётга татбиқ этишга қаратилган.
Бундан ташқари, ҳамкорлик солиқ соҳаси учун янги авлод мутахассисларини тайёрлашни ҳам ўз ичига олади.