Ўзбекистон Осиё ўйинларида 20-олтин медални қўлга киритди
Таеквондо ВТ бўйича терма жамоа аъзоси Жасурбек Жайсунов Ўзбекистон делегацияси учун мазкур Осиё ўйинларидаги 20-олтин
Ўзбекистон Осиё ўйинларида 20-олтин медални қўлга киритди
Японияда давом этаётган Осиё ўйинларида Ўзбекистон 20-олтин медалга эга чиқди.
Таеквондо ВТ бўйича Ўзбекистон терма жамоаси аъзоси Жасурбек Жайсунов делегациямиз учун мазкур Осиё ўйинларидаги 20-олтин медални тақдим этди. -80 кг вазн тоифасида қатнашган спортчимиз финалда Хитой Тайпейи вакилини мағлуб этиб, чемпионликни расмийлаштирди.
Таеквондочи Озода Собиржонова эса Осиё ўйинларининг кумуш медалини қўлга киритди. -67 кг вазн тоифасида иштирок этган юртдошимиз финалда эронлик рақибига имкониятни бой берди.
Бокс бўйича Ўзбекистон эркаклар жамоаси Осиё ўйинларининг 13-кунида учта вазн тоифасидаги финал жангларида қатнашди.
Аввал 90 килограммгача бўлган вазн тоифасида Ўзбекистон шарафини ҳимоя қилган Тўрабек Ҳабибуллаев хитойлик Ҳуежанг Ҳаннига қарши рингга чиқди. Ўзбекистонлик боксчи жанг давомида тўлиқ устунлик қилди ва ҳакамлар бир овоздан унинг ғалабасини қайд этишди (5:0).
Бунгача Осиё ва жаҳон чемпиони унвонларига эга бўлган 22 ёшли боксчи илк бор Осиё ўйинлари ғолиблигини ҳам қўлга киритди (Ҳангчжоудаги Осиё ўйинларида у бронза билан қайтганди).
Олимпиада ўйинларининг амалдаги ғолиби, икки карра жаҳон чемпиони ва Осиё чемпиони ҳисобланган Ҳалоков учун бу Осиё ўйинларидаги иккинчи ғалаба бўлди. У аввалги турнирда ҳам ўз вазн тоифасида тенгсиз бўлганди.
Учинчи финалда эса +90 кг вазн тоифасида Жаҳонгир Зокиров Қозоғистон вакили Айбек Ўралбайга мағлуб бўлди (0:5) ва кумуш медал билан кифояланди.
Бунгача Фируза Казакова (-51 кг), Ситора Турдибекова (-60 кг), Фазлиддин Эркинбоев (-70 кг) ва Шавкатжон Болтаев (-80 кг) яримфиналда ютқазиб, бронза медаллар билан ортга қайтадиган бўлганди.
20 та олтин медал билан Ўзбекистон умумжамоа ҳисобида 4-ўринда бормоқда.