Овқатланишдан сўнг дарҳол чой ёки кофе ичиш организмда темир моддасининг ювилиб кетишига сабаб бўлади — тадқиқот

Овқатдан кейин дарҳол чой ёки кофе ичиш темирнинг организмдан “ювилиб кетиши”га олиб келади — тадқиқот

Организмда темир танқислиги кўпинча кундалик ҳаётдаги битта зарарли одат оқибатида юзага келади. Шифокорлар ва парҳезшунослар огоҳлантиришича, тушлик ёки кечки овқатдан сўнг дарҳол чой ёки кофе ичиш саломатликка жиддий зарар етказиши мумкин.

Темир инсон саломатлиги учун энг муҳим минераллардан биридир. У қон ҳосил бўлиш жараёнида фаол қатнашади, тўқималарни кислород билан таъминлайди ва иммунитетни мустаҳкамлайди. Аммо нотўғри овқатланиш тартиби сабабли, ҳатто сифатли таомлардан ҳам организм етарли миқдорда темир ололмаслиги мумкин.

Овқатдан кейин чой ва кофе ичиш темирнинг организмда сўрилишига тўсқинлик қилади.

Бу ичимликлар таркибида полифенол ва таннинлар мавжуд. Улар овқат билан бирга кирган темирни боғлаб олади ва унинг ичакларда сўрилишига йўл бермайди.

Айниқса, ўсимлик маҳсулотлари — гречка ва дуккакли сабзавотлар таркибидаги темир аллақачон қийин сўрилгани учун, чой ва кофе бу жараённи янада мураккаблаштиради.

Тадқиқотларга кўра, овқатдан сўнг дарҳол ичилган 1 стакан чой темир сўрилишини 60 фоизга, кофе эса 40 фоизгача камайтиради.

Агар саломатлигингиз ҳақида қайғурсангиз, чой ёки кофени овқатдан 1–1,5 соат ўтгач ичинг, шу вақтгача эса оддий сув ёки кофеинсиз дамламалар билан чекланганингиз маъқул.