«Омадсиз» Ҳусанов
Бу мумтоз қаҳрамоннинг тақдири бугун ўзбек футболининг ёрқин юлдузи Абдуқодир Ҳусановнинг ҳаётий ҳикоясини эслатади. Бир вақтлар маҳаллий «Бунёдкор» клубининг асосий таркибига кира олмаган, «эҳтиёждан ташқари» деб баҳоланган ушбу «омадсиз» футболчи ҳозирга келиб сайёрамизнинг энг кучли клубларидан бири — Англиянинг «Манчестер Сити» жамоасида ўйнамоқда.
2031-йилга қадар узайтирилган шартномага биноан, Абдуқодир йилига 7,5 миллион евро маош олади. Бу ойига тахминан 625 000 евро, ҳафтасига 144 000 евро, кунига эса қарийб 20 500 евродан ортиқ маблағ дегани.
Таққослаш учун: «Бунёдкор» клубининг ўртача футболчиси ойига тахминан 25 миллион сўм олади. Демак, бугун трансфер қиймати 50 миллион еврога баҳоланиб, Осиёнинг энг қиммат ҳимоячиси сифатида тан олинаётган Ҳусанов собиқ жамоадошларидан аниқ 340 марта кўпроқ даромад топади.
Абдуқодир ўз вақтида «Бунёдкор»нинг асосий таркибига кирганида, эҳтимол, ҳозир ҳам маҳаллий чемпионатимизда ўртамиёна ўйин кўрсатиб, ўзи ўрганган ва мослашган «комфорт зонаси»да юрган бўлармиди, худди саводи бўлганида черковдан нарига ўта олмаган Алберт Форман каби.