Маҳаллий
Олмаотадан Урганчга мунтазам авиақатнов йўлга қўйилди
Олмаотадан Урганчга мунтазам авиақатновлар бошланди
Қозоғистоннинг Флярйстан авиакомпанияси Олмаота—Урганч йўналиши бўйича мунтазам рейсларни йўлга қўйди.
Парвозлар ҳафтасига икки марта — пайшанба ва якшанба кунлари амалга оширилади. Олмаотадан Урганчга учиш вақти 2 соат 35 дақиқани ташкил этади.
Илк рейс билан Хоразмга Қозоғистоннинг 10 та туристик компанияси вакиллари келди. Улар учун уч кунлик инфотур ташкил этилмоқда. Дастур доирасида маҳаллий туроператорлар иштирокида Б2Б учрашувлар ва воркшопълар ўтказилади.
Шунингдек, меҳмонлар Хоразмнинг тарихий-маданий обидалари ҳамда вилоятнинг туристик салоҳияти билан танишади. Қайд этилишича, бундай инфотурлар Хоразмнинг Қозоғистон туризм бозори учун имкониятларини кенгайтиришга хизмат қилади.