Олимлар Слауде ёрдамида биологик қурол яратишга уринди — Антҳропис
Олимлар Слауде ёрдамида биологик қурол яратишга уринди — Антҳропис
Антҳропис компанияси Слаудеъдан киберҳужумлар, пропаганда кампаниялари ва хавфли биологик тадқиқотларда фойдаланишга уринишларни аниқлаганини билдирди.
Сунъий интеллект моделларидан “биологик қурол яратишга ҳисса қўшиши мумкин бўлган усулларда” фойдаланган олимлар аккаунти блокланди. Антҳропис бу ҳолатлар билан бирга СИдан зарарли мақсадларда фойдаланган бошқа таҳдидли субьектлар ҳақида ҳам маълумот берди. Улар орасида жиноятчилар, эҳтимол давлатлар томонидан қўллаб-қувватланадиган гуруҳлар, жосуслик дастурий таъминоти етказиб берувчилари ва давлат тарғибот тузилмалари бор.
Антҳропис биологик қурол яратишга уринишнинг жами бешта ҳолати ҳақида хабар берди. Компания бу ҳолатлар сунъий интеллект моделларида “тегишли имкониятлар мавжудлигини кўрсатиши”, аммо “реал дунёда биологик қурол яратиш учун ишлатилишини аниқ кўрсата олмаслиги”ни таъкидлади.
Бу воқеаларга алоқадор шахслар профессионал олимлар бўлган. Антҳропис уларнинг исмларини ошкор қилмасликка қарор қилди. Шунингдек, улар инсониятга зарар етказишни мақсад қилганини айтиш учун асос йўқлигини билдирди.
“Биз ушбу ҳолатларни аниқлаганимизда ва текширганимизда, фойдаланувчи аккаунтини блокладик. Келажакда бундай фаолиятнинг олдини олиш, аниқлаш ва тўхтатиш учун илғор ҳимоя тизимларимиз, назорат механизмларимиз ва таҳдидларни таҳлил қилиш жараёнларимизда текширув натижаларини ҳисобга олдик”, дейилади ҳисоботда.
Слауде Фабле 5 каби янги ва такомиллашган моделлар олдинги моделларга қараганда кучлироқ ҳимоя механизмларига эга. У “икки мақсадли биологик тадқиқотлар билан боғлиқ кенг кўламли сўровларга” киришни чеклайди. Шу билан бирга, биология соҳасидаги сунъий интеллект имкониятларидан ҳам фойдали, ҳам зарарли мақсадларда фойдаланиш мумкин.
“Биологик қуролларни ишлаб чиқиш учун ишлатилиши мумкин бўлган худди шу маълумотлар, масалан, ваксина ёки касалликка қарши дори яратиш учун ҳам қўлланилиши мумкин”, дея тушунтирди Антҳропис.
Пропаганда ва кузатув
Антҳропис жамоатчилик фикрини шакллантиришда Слаудеъдан фойдаланган аккаунтларни ҳам аниқлаб, ўчирганини маълум қилди. Улар орасида Эрон давлат тузилмалари билан боғлиқ учта аккаунт бўлган.
Ҳисоботга кўра, ушбу ҳолатларнинг ҳар бирида операцияни Эрон давлат тарғибот муассасасида ёки унинг номидан ишлаган шахс амалга оширган. Слаудеъдан контент яратиш, постларни мустақил ахборот манбалари материаллари сифатида кўрсатиш, уларни Х, Инстаграм ва ТикТок каби ижтимоий тармоқларда тарқатиш учун фойдаланилган.
“Эронга алоқадор таҳдид субьектларидан бири Слаудеъдан минтақадаги АҚШ ҳарбий-денгиз кучлари нишонларини танлаш бўйича тавсиялар ишлаб чиқишда фойдаланган”, деб хабар берди Антҳропис.
Худди шу аккаунт Эрондаги давлат тизимлари учун мўлжалланган оммавий кузатув платформасининг ички дастурий таъминотини яратишда ҳам СИъдан фойдаланган.
Слаудеъдан, шунингдек, Хитой ва Ғарбий Африкадаги субьектлар кузатув операцияларини яратиш ва амалга ошириш, айрим ҳолларда эса нишонларни аниқлашда қўллаган. Антҳропис СИ амалда муҳандислар жамоаси ўрнини босган ҳолатларни ҳам аниқлаган.
Хитойда муниципал хавфсизлик хизматлари билан боғлиқ учта аккаунт Слаудеъдан “кузатув ва трансмиллий репрессиялар” учун фойдаланган. Улар орасида хориждаги фаоллар ва ташкилотларнинг профилларини тузган муниципал идора ҳам бўлган.
Бу сунъий интеллектдан биологик қурол яратиш мақсадида фойдаланишга уринишнинг илк ҳолати эмас. ЧатГПТ ўтган ёзда янгиланганидан сўнг бутун дунё бўйлаб юзлаб фойдаланувчиларга биологик қурол ва заҳар яратиш, уларни қўллаш бўйича кўрсатмалар берганди.