Октябрдан бошлаб Тошкентдан Фарғона водийсига қатнайдиган поездлар янги жадвалга ўтади

1 соат олдин

Октябрдан бошлаб Тошкент ва Фарғона водийси ўртасида янги поездлар жадвали амал қила бошлайди

Октябрдан бошлаб Тошкент ва Фарғона водийси ўртасида қатновчи поездлар жадвалига ўзгартиришлар киритилади. Бир қатор электропоездлар, узоқ масофага қатновчи ва маҳаллий йўналишлардаги поездлар учун янги жўнаш ва етиб бориш вақтлари белгиланади.

Биринчилардан бўлиб № 730/729 «Тошкент – Андижон – Тошкент» электропоездининг ҳаракат жадвали ўзгаради. 1 октябрдан бошлаб у Тошкентдан соат 07:20 да жўнаб кетади ва Андижонга соат 11:42 да етиб боради. Қарама-қарши йўналишда поезд соат 15:33 да жўнаб кетади ва Тошкентга соат 19:55 да етиб келади.

Йўналиш бўйлаб поезд Поп, Қўқон ва Марғилонда тўхтаб ўтади.

Шунингдек, қуйидаги поездлар жадвали ҳам янгиланади:

• № 732 «Тошкент – Андижон»: 1 октябрдан бошлаб Тошкентдан жўнаш соат 17:50 да, Андижонга етиб бориш соат 23:53 да.

• № 731 «Андижон – Тошкент»: 1 октябрдан бошлаб жўнаш соат 06:50 да, Тошкентга етиб келиш соат 13:07 да.

• № 734/92 «Тошкент – Андижон»: 4 октябрдан бошлаб жўнаш соат 17:50 да, етиб бориш соат 00:34 да. Поезд Поп, Чуст, Тўрақўрғон, Наманган ва бошқа станциялар орқали ҳаракатланади.

• № 733 «Андижон – Тошкент»: 5 октябрдан бошлаб жўнаш соат 06:03 да, етиб келиш соат 13:07 да.

• № 91 «Андижон – Тошкент»: 6 октябрдан бошлаб жўнаш соат 18:40 да, етиб келиш соат 01:24 да.

• № 98/94 «Тошкент – Андижон»: 3 октябрдан бошлаб жўнаш соат 08:10 да, етиб бориш соат 14:39 да.

• № 93 «Андижон – Тошкент»: 3 октябрдан бошлаб жўнаш соат 16:40 да, етиб келиш соат 22:27 да.

• № 95/97 «Андижон – Тошкент»: 1 октябрдан бошлаб жўнаш соат 17:30 да, етиб келиш соат 00:11 да.

• № 96 «Тошкент – Андижон»: 7 октябрдан бошлаб жўнаш соат 04:55 да, етиб бориш соат 11:30 да.

Ўзгаришлар Тошкент – Андижон участкасидаги узоқ масофага қатновчи поездларга ҳам дахлдор бўлади.

№ 126/125 «Хива/Урганч – Андижон» поезди 1 октябрдан бошлаб Тошкент-Жанубий вокзалидан соат 06:18 да жўнаб кетади ва Андижонга соат 12:59 да етиб боради. Қарама-қарши йўналишда № 125/126 поезди 1 октябрдан бошлаб Андижондан соат 15:50 да жўнаб кетади ва Тошкент-Жанубий вокзалига соат 21:45 да етиб келади.

№ 127/128 «Андижон – Қўнғирот» поезди 3 октябрдан бошлаб Андижондан соат 17:30 да жўнаб кетади ва Тошкент-Жанубий вокзалига соат 00:11 да етиб келади. Қарама-қарши йўналишда № 128/127 поезди 2 октябрдан бошлаб Тошкентдан соат 06:18 да жўнаб кетади ва Андижонга соат 14:01 да етиб боради.

Шунингдек, № 129/130 «Андижон – Термиз» ва № 130/129 «Термиз – Андижон» поездлари жадвали ҳам ўзгаради. Биринчиси 2 октябрдан бошлаб Андижондан соат 16:40 да жўнаб кетади ва Тошкент-Жанубий вокзалига соат 22:27 да етиб келади. Қайтиш поезди 1 октябрдан бошлаб Тошкент-Жанубий вокзалидан соат 08:10 да жўнаб кетади ва Андижонга соат 14:03 да етиб боради.

Маҳаллий поездларнинг ҳам янги жадвали жорий этилади:

1 октябрдан бошлаб № 6312 «Қўқон – Андижон» поезди соат 06:05 да жўнаб кетади ва соат 08:46 да етиб боради.

№ 7091 «Қўқон – Наманган – Андижон – Қўқон» поезди 1 октябрдан бошлаб Қўқондан соат 05:10 да жўнаб кетади, Наманганга соат 07:31 да ва Андижонга соат 10:53 да етиб боради. Ортга эса Андижондан соат 11:00 да жўнаб кетади ва Қўқонга соат 13:43 да етиб келади.

«Ўзтемирйўловчи» йўловчилардан сафарларни режалаштиришда янги жадвалларни ҳисобга олишларини сўрайди.